पछिल्लो समय कर्मचारीहरुले कलम चोप्नै छाडेको बिषयप्रति प्रधानमन्त्री प्रचण्डले चिन्ता व्यक्त गरेका छन् । कर्मचारीहरुले टिप्पणी उठाउनै छाडेको र नीतिगत निर्णय हुन छाडेको बिषयप्रति प्रधानमन्त्री प्रचण्डले चिन्ता व्यक्त गरेका हुन ।
बिज्ञापन
प्रधानमन्त्री प्रचण्डले कर्मचारीहरुले समयमै निर्णय नगर्ने, निर्णय पन्छाएर राज्यलाई क्षति भए सोही व्यक्तिलाई क्षतिपूर्ति भराउने प्रणाली आवश्यक भएको बताएका छन् ।
चालु आर्थिक बर्षको नीति तथा कार्यक्रम र बजेटको कार्यान्वयन समीक्षा बैठकमा आज प्रधानमन्त्रीले निर्णय नलिएकै र पन्छाएकै कारणबाट मुलुकलाई कति हानि नोक्सानी वा क्षति हुन सक्छ भन्ने मूल्याङ्कन गर्ने प्रणाली स्थापित गर्नुपर्ने बताएका हुन् ।
बिज्ञापन
पछिल्लो समय कर्मचारीहरुले टिप्पणी उठाउन र निर्णय गर्ने छाडेको बिषयप्रति इंकित गर्दै प्रधानमन्त्री प्रचण्डले कर्मचारीहरुमा काम गरे कारबाही भोग्नुपर्ने तर, कामै नगरे बच्न सकिने मनसाय बढ्दै गएकोले यस्को गम्भीर समीक्षा गर्नुपर्ने बेला भएको बताएका हुन । उनले भने,प्रचलित ऐन, नियमको परिधिभित्र रही निर्णय गर्न कसैले हिच्किचाउनु हुँदैन, पर्दैन,’ प्रधानमन्त्रीले भने, ‘कुनै पनि सार्वजनिक पदाधिकारीले असल नियतले गरेको निर्णयको बचावट गर्न र त्यस्तो कर्मचारीको संरक्षण गर्न म सदैव प्रतिबद्ध छु । तसर्थ सोही बमोजिम गतिशील र सिर्जनशील भूमिका निर्वाह गर्न तत्पर रहनुहोला ।’
प्रधानमन्त्री प्रचण्डले कुनै पनि सार्वजनिक पदाधिकारीले असल नियतले गरेको निर्णयको बचावट गर्न र त्यस्तो कर्मचारीको संरक्षण गर्न म सदैब प्रतिबद्ध रहेको जनाए ।
बिज्ञापन
