सहसचिव सृजना थपलियाले अर्काे रेकर्ड ब्रेक गरेकी छिन् । यस अघि संखुवासभाको पहिलो महिला सिडियोको रुपमा रेकर्ड राख्न सफल भएकी उनी ९ महिना पछि मुलुककै एक अन्तराष्ट्रिय त्रिभुवन विमानस्थलको अध्यागमन प्रमुखको रुपमा सरुवा भएकी छिन् ।
बिज्ञापन
त्रिभुवन अन्तर्राष्ट्रिय विमानस्थलको प्रमुख अध्यागमन अधिकृतमा सह सचिव सिर्जना थपलियालाई जिम्मेवारी दिएको छ। गृह मन्त्रालयले १२ जना प्रमुख जिल्ला अधिकारीसहित १८ सह सचिव तथा पदस्थापन गर्दा थपलियालाई त्रिभुवन विमानस्थलको प्रमुख अध्यागमन अधिकृतको जिम्मेवारी दिएका हो ।
बिज्ञापन
यसअघि विमानस्थल अध्यागमन प्रमुख नरहरि घिमिरे ललितपुरको प्रमुख जिल्ला अधिकारी भएर खटाइएसँगै रिक्त रहेको त्रिविवि विमानस्थलको प्रमुख अध्यागमन अधिकृतमा थपलियालाई खटाइएको हो । हाल संखुवासभाको प्रमुख जिल्ला अधिकारी रहेकी थपलियालाई महत्त्वपूर्ण मानिने विमानस्थल अध्यागमन प्रमुखको जिम्मेवारी दिइएको हो।
थपलियालाई गत भदौं १३ मा सङ्खुवासभाको प्रमुख जिल्ला अधिकारीको जिम्मेवारीसहित त्यता खटाउँदा उनी सो जिल्लाको इतिहासमा पहिलो महिला प्रजिअको रुपमा रेकर्ड कायम गरेकी थिइन । त्यस अघि उनी प्रधानमन्त्री तथा मन्त्रिपरिषद् कार्यालय सिंहदरबारमा सेवारत उनले ४८औँ प्रमुख जिल्ला अधिकारीका रूपमा यहाँ पदभार ग्रहण गरेकी थिइन । थपलिया टिआइअ पहिलो महिला प्रमुख अध्यागमन अधिकृत समेत हुन ।गृह मन्त्रालयका अनुसार,उनी त्रिवि विमानस्थल अध्यागमन कार्यालयका ६१ औं अध्यागमन प्रमुख र पहिलो महिला प्रमुखका रुपमा रेकर्ड राख्न सफल भएकी छिन् ।
बिज्ञापन
