काठमाडौं । ट्राफिक नियम उल्लंघन गरेको आरोपमा सभामुख डीपी अर्याल सवार गाडीलाई ट्राफिक प्रहरीले चिट काटेको छ।
बिज्ञापन
थापाथली क्षेत्रको सडकमा लेन क्रस गर्दै नियम उल्लंघन गरेको पाइएपछि ट्राफिक प्रहरीले उक्त गाडीमाथि कारबाही गरेको हो। सभामुखको गाडीसँगै अगुवा र पछुवा गरी तीन वटा गाडीलाई पनि चिट काटिएको ट्राफिक स्रोतले जनाएको छ।
बिज्ञापन
घटनाअनुसार नियम उल्लंघन गर्दै ती गाडीहरू थापाथलीबाट सिंहदरबार पुगेका थिए। त्यसपछि ट्राफिक प्रहरी सिंहदरबारमै पुगेर कारबाही स्वरूप चिट काटिएको बताइएको छ।
ट्राफिक प्रहरी स्रोतका अनुसार नियम उल्लंघन गर्ने जोसुकै भए पनि कानुन सबैका लागि समान रूपमा लागू हुने भएकाले कारबाही गरिएको हो। “कसको गाडी भन्ने होइन, नियम उल्लंघन गर्ने गाडीलाई चिट काटिएको हो,” स्रोतले जनाएको छ।
बिज्ञापन
लेन मिचेर सवारी चलाएको कारण उक्त गाडीमाथि कारबाही गरिएको प्रहरीले पुष्टि गरेको छ।
