मन्त्रिपरिषद् बैठक आज बस्ने भएको छ । प्रधानमन्त्री तथा मन्त्रिपरिषद् कार्यालय स्रोतका अनुसार अपरान्ह तीन बजे मन्त्रिपरिषद्को बस्न लागेको हो ।
बिज्ञापन
गत फागुन २१ को प्रतिनिधि सभाको निर्वाचन सम्पन्न गराएपछिको यो पहिलो बैठक हो । यस अघि नियमित रुपमा सोमबार र बिहीबार मन्त्रिपरिषद्को बैठक बस्दै आएको थियो । फागुन २५ र फागुन २८ मा मन्त्रिपरिषद्को बैठक बस्ने चर्चा भए पनि बैठक बस्न सकेको थिएन । प्रधानमन्त्री कार्यालय स्रोतका अनुसार सुशीला कार्की नेतृत्वको अन्तरिम सरकारको यो अन्तिम बैठक हुनेछ ।
बिज्ञापन
स्रोतका अनुसार,आज बस्ने मन्त्रिपरिषद् बैठकले गौरीबहादुर कार्की नेतृत्वको जाँचबुझ आयोगले सरकारलाई बुझाएको प्रतिवेदन पारित गर्दै कार्यान्वयनमा लैजाने तयारी छ । उसो त काम चलाउको हैसियतमा पुगेको सरकारले कुनै महत्वपूर्ण नियुक्ति,सरुवा,बढुवा नगर्ने बुझिएको छ ।
गत सोमबार मध्यरातदेखि निर्वाचन आचारसंहिता निस्क्रिय भएसँगै सरुवा,नियुक्ति,बढुवा हुनुपर्ने दर्जनौं फाइलहरु पेण्डिङ्गमा छन् । सचिव बढुवाका लाइनमा रहेका सहसचिव कमल भट्टराई,इन्दु घिमिरे र हालैमात्र भ्रष्टचार मुद्धामा सफाइ पाएका इमनारायण श्रेष्ठ मध्ये एक लाई उकाल्नुपर्ने छ । यस्तै, गृहबाट सशस्त्र प्रहरी बलका दुई नायव महानिरीक्षक ९डीआईजी०को पदावधि थप्ने प्रस्ताव अगाडि बढ्न सकेको छैन । सशस्त्र प्रहरी बल प्रधान कार्यालयले साधारण समूहतर्फका डीआईजी लक्ष्मण बहादुर सिंह र प्रदीप पालको पदावधि थप गर्नुपर्ने प्रस्ताव गृह मन्त्रालयमा पठाएकोमा सो प्रस्ताव मन्त्रिपरिषद्मा लैजाने तयारी रहेकोमा त्यतिकै अड्किएको छ । यस्तै,पर्यटन मन्त्रालय मातहतको नागरिक उड्डयन प्राधिकरणको महापिनर्देशक,नेपाल वायू सेवा नियमको नियुक्ति, राष्ट्रिय अपाङ्ग कोषका सभापतिका अलवा सबैभन्दा पेचिलो मानिएको डेपुटी गभर्नरको नियुक्ति प्रक्रिया होल्ड हुन पुगेको छ ।
बिज्ञापन
वालेन सरकार बने लगतै १० देशका राजदूत नियुक्ति,राष्ट्र बैंकमा डेपुटी गभर्नर,अख्तियारमा आयुक्त, निर्वाचन आयोगका प्रमुख आयुक्त र आयुक्त लगायत अरु संवैधानिक आयोग,राष्ट्रिय सभामा एक मनोनित सदस्यका अलवा प्रधानन्यायाधीश र सशस्त्र प्रहरीका प्रमुख लगायतका नियुक्तिहरु गर्ने छन् ।
