काठमाडौँ । अन्तरिम सरकारका अर्थमन्त्री रामेश्वर खनाल ले आफूले प्रयोग गर्दै आएको कूटनीतिक राहदानी (रातो पासपोर्ट) फिर्ता गरेका छन्।
बिज्ञापन
अर्थमन्त्रीको हैसियतमा प्रयोग गर्न उपलब्ध गराइएको कूटनीतिक राहदानीको प्रयोजन समाप्त भएकाले उनले उक्त राहदानी परराष्ट्र मन्त्रालय अन्तर्गतको राहदानी विभागमा बुझाएको जानकारी दिएका हुन्।
बिज्ञापन
सामाजिक सञ्जाल फेसबुकमार्फत जानकारी दिँदै खनालले आफूले प्रयोग गर्दै आएको कूटनीतिक राहदानी नम्बर डीए०००२७१० फिर्ता गरिदिन अर्थ मन्त्रालयको प्रशासन महाशाखालाई अनुरोध गरेको बताएका छन्।
उनले फेसबुकमा लेखेका छन् कि अर्थमन्त्रीका रूपमा प्रयोग गर्न उपलब्ध गराइएको राहदानीको प्रयोजन सकिएकाले सो राहदानी विभागमा बुझाइदिन आग्रह गर्दै राहदानी संलग्न गरिएको छ।
बिज्ञापन
जेन–जी आन्दोलनपछि गठन भएको अन्तरिम सरकार मा सुशीला कार्की को नेतृत्वमा बनेको मन्त्रिपरिषद्मा खनाल अर्थमन्त्रीका रूपमा कार्यरत छन्।
