आज राती १२ बजेदेखि निर्वाचन आचारसंहिता निस्क्रिय हुने भएको छ । निर्वाचन आयोगले फागुन २१ को प्रतिनिधि सभा निर्वाचन लक्षित गरी गत गत माघ ४ गते देखि लागू गरेको निर्वाचन आचारसंहिता, २०८२’ आज रातिदेखि निस्क्रिय हुने अर्थात लागू नहुने निर्णय गरेको छ।निर्वााचन आयोगले निर्वाचन हुनुभन्दा ४८ दिन अगाडि लगाएको आचारसंहिता आज मध्यरातीदेखि लागू हुने गरी निस्क्रिय हुने जनाएको छ ।
बिज्ञापन
आयोगले गत माघ ११ गते सम्पन्न राष्ट्रियसभा सदस्य निर्वाचन र फागुन २१ गते सम्पन्न प्रतिनिधिसभा सदस्य निर्वाचनमा स्वच्छता, निष्पक्षता, पारदर्शिता तथा भयमुक्त वातावरण कायम गर्नका लागि निर्वाचन आयोग ऐन, २०७३ को दफा २२ तथा निर्वाचन आचारसंहिता, २०८२ को दफा १ को उपदफा (२) बमोजिम आचारसंहिताको व्यवस्था गरेकोमा आज मध्यरातदेखि आचारसंहिता निस्क्रिय हुने आयोगले जनाएको छ ।
बिज्ञापन
आचारसंहिता निस्क्रिय भए सँगै सरकारलाई कर्मचारी सरुवा,बढुवा तथा राजनीतिक नियुक्ति लगायतका काम गर्ने बाटो खुलेको छ ।
बिज्ञापन
