निर्वाचन अधिकृतको कार्यालयले मतदानका लागि कर्मचारी खटन पटन गर्दा हदैसम्म बदमासी गरेको विवरणहरु भेटिएका छन् ।
बिज्ञापन
कतिपय स्थानमा उमेद्धारकै नातेदारलाई मतदान अधिकृत बनाएर खटाइएको छ भने जिल्ला जिल्लामा कर्मचारी ट्रेड युनियनकर्मीहरुलाई नै मतदानमा परिचालन गरिएका प्रशस्त प्रमाणहरु भेटिएका छन् । कर्मचारी खटन पटन गर्दा बरियता नमिलाइएका प्रशस्त उदाहरण छरपष्ट भइसकेका छन् ।
बिज्ञापन
यता काठमाडौंको एउटा निर्वाचन क्षेत्रमा कर्मचारी खटाइँदा फर्जी कर्मचारी परिचालन गरिएको बिषयलाई गम्भीर रुपमा हेरिएको छ । काठमाडौं निर्वाचन क्षेत्र नम्बर १० मा फर्जी कर्मचारी राखेर आसन्न फागुन २१ गतेको निर्वाचन गराउन लागेको भेटिएको हो ।
सो निर्वाचन क्षेत्रभित्रको विद्या आश्रम मावि नागाउँ ख मतदान केन्द्रमा यस प्रकारको बदमासी भएको भेटिएको हो । जहाँ मतदान अधिकृतको रुपमा खटाइएको छ,सर्वाेच्च अदालतका शाखा अधिकृत बालाजी प्रसाद पाण्डेय,त्यहाँ सहायक मतदान अधिकृतमा नायब सुब्बा ज्ञानेन्द्रमान प्रधान र सहायक कर्मचारीहरुमध्ये काठमाडौं जिल्ला अदालतका डिठ्ठा भीमलाल पाण्डे,कीर्तिपुर नगरपालिकाको कर्मचारी भूमिका महर्जन,काठमाडौं जिल्ला अदालतको तामेलदार विनिता सुवेदी र अर्थ मन्त्रालयमा कार्यरत कार्यालय सहयोगी हरिराम थारुलाई सो मतदान केन्द्रमा खटाइएको छ ।
बिज्ञापन
तर यसरी खटाइँदा काठमाडौं जिल्ला अदालतमा कार्यरत नै नरहेको कर्मचारीलाई सहायक कर्मचारीका रुपमा खटाइएको तथ्य सार्वजनिक भएको हो । विनिता काठमाडौं जिल्ला अदालतमा तामेलदार पदमा कार्यरत रहेको निर्वाचनमा खटाइएको कर्मचारीहरुको विवरणमा उल्लेख छ । तर, उनी जिल्ला अदालतको तामेलदार नभएको पुष्टि भएको छ ।
अदालतका सूचना अधिकारी दिपककुमार श्रेष्ठले उनी तामेलदार नभएको पुष्टि गरे । यता, फर्जी कर्मचारीलाई निर्वाचन गराउन खटाइएपछि धेरैले स्वच्छ र निष्पक्ष तवरले निर्वाचन हुनेमा आशंका व्यक्त गरेका छन् ।
