सरकारले लगातार सात दिन सार्वजनिक बिदा दिने भएको छ । आगामी फागुन २१ गते हुने निर्वाचनका लागि निर्वाचन आयोगले सरकारलाई सिफारिस गरे अनुसार सरकारले फागुन २०, २१ र २२ गते गरी तीन दिन बिदा दिने निर्णय गरेको हो ।
बिज्ञापन
सरकारको यो निर्णयसँगै अब लगातार सात दिन सार्वजनिक बिदा हुने भएको छ । आगामी फागुन १८ र १९ गते दुई दिन होली पर्व, २०देखि २२ गतेसम्म निर्वाचन २४ गते शनिबार र आइतबार अन्तर्राष्ट्रिय नारी दिवस समेत पर्ने लगातार सात दिन सार्वजनिक विदा परेको हो ।
यस्तै आज बसेको मन्त्रिपरिषद्को बैठकले चालु आर्थिक वर्षको विनियोजित बजेट तथा कार्यक्रममा उल्लेख भएबमोजिम बुढीगण्डकी जलाशय युक्त जलविद्युत आयोजनाको वित्तीय लगानी ढाँचा स्वीकृत गरिएको छ ।
बिज्ञापन
सरकारले काठमाडौ जिल्ला अदालतका न्यायाधीश डा दिवाकर भट्टलाई काठमाडौ जिल्ला अदालतको कामसमेत हेर्ने गरी उपभोक्ता अदालत काठमाडौंको अध्यक्ष तोकेको छ । आजैको बैठकले वीमा ऐन २०७९ को दफा १४० बमोजिमको कसुर सम्बन्धी मुद्दाको कारबाही र किनारा गर्न जिल्ला अदालतलाई जिम्मेवारी दिइएको छ ।
सरकारले मित्रराष्ट्र चीनले उपलब्ध गराएको ४० लाख डलर बराबरको नगद अनुदान स्वीकार गर्ने निर्णय गरेको छ । आगामी प्रतिनिधिसभा निर्वाचनका लागि चीनले करिब ५७ करोड नेपाली रुपैयाँ बराबरको सहयोग दिएको छ ।
बिज्ञापन
आगामी वर्ष २०८३ सालको सार्वजनिक बिदा निर्धारण गरेको आजको मन्त्रिपरिषद् बैठकले जेन जी परिषद्समेत गठन गर्ने निर्णय गरेको छ ।
