पछिल्लो दुई दिनमै राष्ट्रिय स्वतन्त्र पार्टी (रास्वपा)का तीन महत्वपूर्ण नेताले पार्टी छोडेका छन् । मधेश प्रदेश सभापति कांग्रेस प्रवेश गरेको २४ घण्टा नबित्दै रास्वपा बागमती प्रदेश उपसभापति दिनेश हुमागाईँले पनि सो पार्टी परित्याग गरेका हुन ।
बिज्ञापन
हुमागाईले सामाजिक सञ्जालमार्फत् रास्वपालाई मत नदिन जनतालाई खुला अपीलसमेत गरेका छन् । ‘समानुपातिक सूची केलाइ केलाइ हेरौँ, पैसा र शक्तिको आडमा सांसद बनाउन खोज्ने पार्टीलाई भोट दिदै नदिउँ, नत्र पछुताउनुपर्ला’, उनले भनेका छन् । उम्मेदवार छनोट प्रक्रिया विधान, मापदण्ड र आन्तरिक लोकतन्त्रविपरीत सञ्चालन गरिएको, वर्षौंदेखि पार्टीमा समर्पित कार्यकर्ताहरूलाई पाखा लगाई अन्य दलबाट हालसालै आएका व्यक्तिहरूलाई प्राथमिकता दिइएको उनको भनाई छ । विशेष रूपमा, दुई–चार दिन अघाडिसम्म मोबाइल पसलमा काम गरिरहेका, गीत गाइरहेका, सामाजिक अभियन्ता भनेर हिँडिरहेका, चटकदारहरूलाई स्वार्थको आधारमा उम्मेदवार बनाइएको प्रति आपत्ति जनाउँदै उनले राजीनामा दिएका हुन ।
बिज्ञापन
उसो त हिजोमात्र रास्वपा मधेशकी संस्थापक सभापति ममता शर्माले बुधबार पार्टी छोडेकी थिइन् । शर्माले राजीनामा दिएको भोलिपल्टै बागमती प्रदेशका उपसभापति एवं २०७९ सालमा काभ्रे २ बाट उम्मेदवार बनेका दिनेश गौतमले पार्टी परित्याग गरेका छन् । यस अघि
यसैगरी, रास्वपा नेतृ खेम कुमारी (उर्मिला) भुर्तेलले पार्टीको साधारण सदस्यसमेत नरहने गरी राजीनामा दिएकी छन् । उनी ७९ सालको प्रतिनिधिसभाकी उम्मेदवार थिइन् । केन्द्रीय कार्यालयलाई सम्बोधन गर्दै उनले पार्टीको स्थापनाकालीन मूल्य, विधान र सार्वजनिक प्रतिबद्धता विपरीत गतिविधि बढ्दै गएकोले पार्टी छाडेको घोषणा गरेकी हुन् ।
बिज्ञापन
