काठमाडौँ महानगरपालिकाको प्रमुख रहँदा वालेन साहका सबैभन्दा ठूलो दुश्मन ठहरिए,गरिब र गरिखाने वर्ग । सडकको किनारामा ठेलामा मकै पोलेर गुजारा गर्ने हुन वा साग बेच्ने निमुखा, गरिबहरु लखेटिए,बागमती किनारका सुकुमवासी बस्तीमा डोजर चलाइयो । अहिले उनै वालेनलाई निर्वाचन जित्न तिनै सुकुम्बासीको मत निर्णायक हुने देखिएको छ ।
बिज्ञापन
१६५ निर्वाचन क्षेत्रभरी हुन लागेको निर्वाचनमध्ये सबैभन्दा बढी चर्चामा छ,झापा ५,चितवन र सर्लाहीको निर्वाचन ? झापाको चुनावी परिणाम के आउला ? वालेनले जित्लान वा ०६४ कै चुनावी परिणाम यस पटक पनि दोहोरियला ? ओलीलाई चुनावी ब्याटलमा असफलता हाल लागेको बर्ष हो ०६४ साल । ०४८ सालमा पहिलो पटक सांसद बन्दा झापा ६ बाट,०५१ को मध्यावधिमा सोही चुनावी क्षेत्रबाट, ०५६ मा क्षेत्र नम्बर २ र ६ बाट चुनाव जितेका ओली ०६४ सालको संविधानसभाको निर्वाचनमा माओवादीका विश्वदीप लिङ्देनसँग पराजित भएका थिए । सो निर्वाचनमा लिङ्देनले १६ हजार ९९ मत ल्याएर निर्वाचित हुँदा १४ हजार ९५९ मतसहित ओली दोस्रो हुनु परेको थियो । सो समयमा केपी ओलीले ११ सय मतान्तरले पराजित भएका थिए । उसो त सो चुनावमा माओवादीको ह्विम थियो देशव्यापी । अहिले घण्टीको बहार छ । वालेन र ओलीको जित र हारमा त्यहाँका सुकुम्बासी मतदाता निर्णायक मानिएको छ ।
बिज्ञापन
सुकम्बासी आयोगको विवरण अनुसार झापामा मात्र ५१ हजार ८८८ जना सुकुम्बासी रहेका छन् । जसमध्ये झापा क्षेत्र नम्बर पाँचमा मात्र ३५ हजार बढी सुकुम्बासी रहेका छन् । ओलीको निर्वाचन क्षेत्रमा १ लाख ६३ हजार ३७९ मतदाता रहेका छन् । तिनै सुकुम्बासीको मत नै ओली र वालेनका लागि निर्णायक मत हुने जनाइएको छ । उसो त देशैभरमध्ये रुपन्देही,चितवन,दाङ्ग लगायतका निर्वाचन क्षेत्रमा समेत सुकुम्बासी मतदाताहरुको संखया अधिक छ । मुलुकभर ११ लाख २९ हजार ५१७ को लगत प्रविष्ट गरेको छ भूमि समस्या सामाधान आयोगले । सो आयोगको विवरण अनुसार, भूमिहीन दलितको संख्या ८८ हजार ८९५,भूमिहीन सुकुम्बासीको संख्या १ लाख ६८ हजार ४४१,अव्यवस्थित बसोबासीको संख्या ८ लाख ७२ हजार १८१ रहेको छ । यीमध्ये हालसम्म ८ हजार ८ सय ४८ भूमिहिन सुकुम्बासीलाई जग्गाधनी प्रमाण पूर्जा वितरण गरेको छ,सरकारले । प्राप्त विवरण अनुसार, ८ सय ६३ भूमिहीन दलित,एक हजार २ भूमिहीन सुकुम्बासी,अव्यवस्थित बसोबासी तीन हजार ४ सय १२ र विगतका आयोगका अधुरा काम ३ हजार ५ सय ७१गरी हालसम्म ८ हजार ८४८ सुकुम्बासी परिवारलाई जग्गाधनी प्रमाणपूर्जा वितरण गरिएको छ । विवरण अनुसार,रुपन्देहीमा सबैभन्दा धेरै ७६,६५७ जना रहेका छन् । दाङमा ७०,३८९ जना, झापामा ५१,८८८ जना, बाँके ४६,५५२ जना र बर्दियामा ४५,६०८ जना रहेका छन् । प्रदेशगत रुपमा हेर्दा कोशीमा २ लाख ३१ हजार ९२२,मधेस प्रदेशमा १ लाख ६ हजार ९३,बागमती प्रदेशमा १ लाख २५ हजार २३६,गण्डकी प्रदेशमा ८६ हजार ९५९ सुकुम्बासी परिवार रहेका छन् । यस्तै,लुम्बिनी प्रदेशमा ३ लाख १ हजार ३४७,कर्णाली प्रदेशमा ४८ हजार ८९९ र सुदूरपश्चिममा २ लाख २३ हजार १९४ रहेको छ ।
अर्काे चासो र चर्चामा रहेको निर्वाचन क्षेत्र चितवनमा १ लाख बढी मतदाता रहेकोमा त्यहाँ ४१ हजार ७७१ परिवार सुकुमवासी छन् । यस्तै काँग्रेस सभापति गगन थापा उमेद्धार रहेको सर्लाहीमा पाँच लाख ११ हजार ६०६ मतदाता रहेकोमा त्यहाँ ३१ हजार ९३ घरधुरीका सुकुम्बसाी रहेका छन् । यस्तै,अर्घाखाँचीमा ३ लाख १ हजार ३ सय ४७,दाङ्गमा ७० हजार ३८९,बर्दियामा ४५ हजार ६०८,बाँकेमा ४६ हजार ५५२,रुपन्देहीमा ७६ हजार ६५७,उदयपुरमा ४८ हजार ६०९,मोरङ्गमा ६५ हजार १३६,सुनसरीमा ३९ हजार २३३,कञ्चनपुरमा ७३ हजार ७९९ सुकुम्बासी रहेको विवरण उपलव्ध भएको छ । यस्तै धेरै सुकुम्बासी रहेकामध्ये कैलालीमा १ लाख ३२ हजार ९४,मकवानपुरमा २५ हजार ६७६,सिन्धुलीमा २८ हजार २६ सुकुम्बासी रहेका छन् ।
बिज्ञापन
यीमध्ये नयाँ शक्तिलाई जिताउने वा पूराना शक्तिलाई निरन्तरता दिने यस पटक निर्णायक देखिएका छन्,सुकुम्बासीहरु । झापासहित, दाङ, मोरङ, झापा, बाँके, बर्दिया, कैलाली, रुपन्देही, कञ्चनपुर, चितवन, सुनसरी, सर्लाही, नवलपरासी (पूर्व), मकवानपुर र कपिलवस्तुका अलाव मधेश प्रदेशका भित्रि बस्तीहरुमा समेत सुकुमवासीको मतले चुनावी परिणाम आँकलन गरेभन्दा फरक आउन सक्ने टिप्पणी हुन थालेको छ ।
