बिज्ञापन

बिज्ञापन

जसपा नेपालले ‘संघर्षसँगै समृद्धि’ नारा दिएको छ। घोषणापत्रमा भनिएको छ, ‘जसपा नेपालले भ्रष्टाचार नियन्त्रणमा जोड दिएको छ। घोषणापत्रमा भनिएको छ, ‘२०४७ सालदेखि हालसम्म भएका निर्वाचित जनप्रतिनिधिहरू, प्रधानमन्त्रीलगायत मन्त्रीहरू, उच्च पदस्थ कर्मचारीहरू, सुरक्षा निकायका उच्च पदस्थ पदाधिकारीहरू र संवैधानिक आयोगहरूमा भएका पदाधिकारीहरूको सम्पत्ति छानबिन गरिनेछ।’

जसपा नेपाल यो घोषणापत्र मार्फत यस्तो राज्य मोडल चाहन्छ– जहाँ राज्यको उद्देश्य नागरिकलाई गुणस्तरीय सेवा प्रदान गर्नु हो।’ यस्तै उसले घोषणापत्रमा सबै नागरिकलाई निःशुल्क स्वास्थ्य सेवा प्रदान गर्न योजना अघि सारेको छ। त्यस्तै, हरेक प्रदेशमा एउटा अत्याधुकित वहुविशिष्टिकृत सेवाप्रदायक अस्पताल र एउटा स्वास्थ्य विज्ञान प्रतिष्ठान बनाउने उल्लेख गरेको छ ।

स्कूल, कलेज र विश्वविद्यालयलाई सार्वजनिक प्रणाली अन्तर्गत सञ्चालन गर्ने जसपा नेपालको योजना छ। उच्च तहसम्म निःशुल्क शिक्षा सुनिश्चित गर्ने घोषणापत्रमा उल्लेख छ।
पाँच वर्षभित्र हुलाकी राजमार्ग सम्पन्न गर्ने पनि जसपा नेपालले प्रतिबद्धता जनाएको छ। पूर्व पश्चिम रेलमार्ग निर्माणलाई उच्च प्राथमिकतामा राख्ने र मधेसका जिल्लामा उत्तर दक्षिण सडक सञ्जालसहित आर्थिक करिडोर विकास गर्ने जनाइएको छ।