राष्ट्रिय सभा सदस्य निर्वाचनको परिणाम राष्ट्रपतिसमक्ष पेस
काठमाडौं। निर्वाचन आयोगले संवत् २०८२ साल माघ ११ गते सम्पन्न राष्ट्रिय सभा सदस्य निर्वाचन, २०८२ को निर्वाचन परिणामसहितको प्रतिवेदन आज सम्माननीय राष्ट्रपति रामचन्द्र पौडेलज्यू समक्ष पेस गरेको छ।

बिज्ञापन

राष्ट्रपति भवन शीतल निवासमा प्रतिवेदन पेस गर्नुहुँदै आयोगका माननीय कार्यवाहक प्रमुख निर्वाचन आयुक्त रामप्रसाद भण्डारीले निर्वाचन परिणामको सारसंक्षेप प्रस्तुत गर्नुभयो। उहाँका अनुसार सातवटै प्रदेशसभा सदस्यतर्फ ५२९ जना मतदाता रहेकामा ४९८ जना अर्थात् ९४.१४ प्रतिशतले मतदान गरेका थिए। त्यसैगरी गाउँपालिकाका अध्यक्ष तथा उपाध्यक्ष र नगरपालिकाका प्रमुख तथा उपप्रमुखतर्फ १४८२ जना मतदाता रहेकामा १४२६ जना अर्थात् ९६.२२ प्रतिशतले मतदान गरेका थिए।