सरकारले निर्वाचन आचारसंहिता लागेपछि दुई सचिवको सरुवा गरेको छ ।
बिज्ञापन
फागुन २१ गते हुने प्रतिनिधिसभा निर्वाचनका लागि गत माघ ५ गतेदेखि निर्वाचन आचारसंहिता लागू भएको छ । निर्वाचनलाई स्वच्छ, स्वतन्त्र, निष्पक्ष, पारदर्शी तथा भयमुक्त वातावरणमा सम्पन्न गर्न आचारसंहिता, २०८२ स्वीकृत गरी कार्यान्वयमा ल्याइएको निर्वाचन आयोगले जनाएको छ । आचारसंहिता नेपाल राजपत्रमा प्रकाशित भइसकेको छ ।
बिज्ञापन
आयोगबाट अर्को सूचना प्रकाशन नभएसम्म विभिन्न निकाय र त्यसमा कार्यरत व्यक्तिलाई आचारसंहिता लागू हुने भए पनि सरकारले आचारसंहितालाई समेत लत्याएर दुइ सचिवको सरुवा गरेको हो । निर्वाचन आचारसंहितामा कर्मचारी सरुवाका काम गर्न बन्देज लगाएको भए पनि सोमबार बसेको क्याविनेट बैठकले खानेपानी सचिव रामआधार साह र विज्ञान प्रविधि सचिव विश्ववावु पुडासैनीको मन्त्रालय तथा जिम्मेवारी हेरफेर गरेको हो ।
सम्माननीय र उहाँको सचिवालयले पनि बुझे हुने नि आचारसंहिता लागेको बेला सरुवा गर्न मिल्दैन भनेर, त्यहीअनुसार सम्झाएर पठाउनुपर्नेमा जेनजीहरुको दवावमा आचारसंहिता लागू भइसककेो स्थितिमा सचिव सरुवाको फाइल अगाडि बढाइएको हो । उसो त यस अघि विज्ञान प्रविधि सचिवबाट भौतिकमा सरुवा हुन खोजेका पुडासैनीको सरुवाको निर्णय मुख्यसचिवले प्रमाणीकरण नगरिँदिदा रोकिएको थियो । उनै सचिव पुडासैनीलाई दुई सातापछि खानेपानीमा सार्ने निर्णय भएको हो ।
बिज्ञापन
उसो त पुडासैनीलाई यस अघिकै क्याविनेटले भौतिक पूर्वाधार तथा यातायात मन्त्रालयमा लैजाने र शिक्षा, विज्ञान तथा प्रविधि मन्त्रालयका सचिवहरूको जिम्मेवारी हेरफेर भएको थियो । भौतिक पूर्वाधार तथा यातायात मन्त्रालयमा कार्यरत सचिव केशव कुमार शर्मालाई शिक्षा, विज्ञान तथा प्रविधि मन्त्रालयमा पुर्याइएको थियो भने उनलाई त्यहाँ शिक्षा मन्त्रालय अन्तर्गत विज्ञान तथा प्रविधि सचिवको जिम्मेवारी तोकिएको थियो । तर, मुख्य सचिवले प्रमाणीकरण नगरेपछि दुइ सचिव सरुवाको निर्णय कार्यन्वयन हुन सकेको थिएन । दुई महिना पछि अनिवार्य अवकाशमा जान लागेका केशव शर्मा विडारीलाई मुख्यसचिव सुमनराज अर्यालले चलाउन नमानेपछि सरुवाको निर्णय प्रमाणीकरण हुन सकेको थिएन । अवकाशको मुखमा रहेका कर्मचारीको सरुवा गरिँदा गलत सन्देश जाने भन्दै उनको सरुवाको निर्णय मुख्य सचिवले प्रमाणीकरण नगरिँदा क्याविनेटको निर्णय कार्यन्वयनमा गएको थिएन ।
अहिले आचारसंहिता जारी भइसकेपछि दुई सचिव चलाइएको हो । सिंहदरबारतिर कर्मचारी सरुवा, फाइलमा अनावश्यक चासो र चलखेल नयाँ भनिएकाहरूबाट बढी हुने गरेको एक सचिवले बताए ।
‘चुनाव गराउन भनेर आउनुभएका मन्त्रीज्यूहरूको स्वार्थ के रहेछ भन्ने त देखियो नै ।’ उनै सचिव भन्छन् । कर्मचारी सरुवा, फाइलमा सुधन गुरुङ,अनिल बानिँयाहरुको समूहले अहिले सिंहदरबारका प्रशासकहरु हैरानी खेपिरहेका छन् ।
