सरकारले दुई सचिवहरुको सरुवा गरेको छ । सोमबार बसेको क्याविनेट बैठकले खानेपानी सचिव रामआधार साह र विज्ञान प्रविधि सचिव विश्ववावु पुडासैनीको मन्त्रालय तथा जिम्मेवारी हेरफेर गरेको हो । यस अघि विज्ञान प्रविधि सचिवबाट भौतिकमा सरुवा हुन खोजेका पुडासैनीको सरुवाको निर्णय मुख्यसचिवले प्रमाणीकरण नगरिँदिदा रोकिएको थियो । उनै सचिव पुडासैनीलाई दुई सातापछि खानेपानीमा सार्ने निर्णय भएको हो ।
बिज्ञापन
यस अघि मन्त्रिपरिषद् बैठकले गत पुस २८ मै भौतिक पूर्वाधार तथा यातायात मन्त्रालय र शिक्षा, विज्ञान तथा प्रविधि मन्त्रालयका सचिवहरूको जिम्मेवारी हेरफेर भएको थियो । भौतिक पूर्वाधार तथा यातायात मन्त्रालयमा कार्यरत सचिव केशव कुमार शर्मालाई शिक्षा, विज्ञान तथा प्रविधि मन्त्रालयमा पुर्याइएको थियो भने उनलाई त्यहाँ शिक्षा मन्त्रालय अन्तर्गत विज्ञान तथा प्रविधि सचिवको जिम्मेवारी तोकिएको थियो । यस्तै शिक्षा, विज्ञान तथा प्रविधि मन्त्रालयमा विज्ञान तथा प्रविधि सचिवको रूपमा कार्यरत विश्वबाबु पुडासैनीलाई भने भौतिक पूर्वाधार तथा यातायात मन्त्रालयमा पठाइएको थियो ।
बिज्ञापन
तर, मुख्य सचिवले प्रमाणीकरण नगरेपछि दुइ सचिव सरुवाको निर्णय कार्यन्वयन हुन सकेको थिएन । दुई महिना पछि अनिवार्य अवकाशमा जान लागेका केशव शर्मा विडारीलाई मुख्यसचिव सुमनराज अर्यालले चलाउन नमानेपछि सरुवाको निर्णय प्रमाणीकरण हुन सकेको थिएन । अवकाशको मुखमा रहेका कर्मचारीको सरुवा गरिँदा गलत सन्देश जाने भन्दै उनको सरुवाको निर्णय मुख्य सचिवले प्रमाणीकरण नगरिँदा क्याविनेटको निर्णय कार्यन्वयनमा गएको थिएन ।
मुख्यसचिवले निर्णय प्रमाणीकरण नगरिदिँदा विज्ञान तथा प्रविधि मन्त्रालयबाट भौतिक मन्त्रालयको यात्रामा ब्रेक लागेका सचिव विश्ववावु पुडासैनी अहिले खानेपानीमा पुगेका हुन । यस पटक उनलाई खानेपानीमा लैजान प्रधानमन्त्रीका निजी सचिव आर्दश श्रेष्ठहरुको जोडबल रहेको चर्चा छ ।
बिज्ञापन
