पूर्वप्रधानमन्त्री तथा नेपाल कम्युनिष्ट पार्टी (एमाले) का अध्यक्ष केपी शर्मा ओलीमाथि लगाइएको स्थान हद फुकुवा गरिएको छ । गत भदौ २३ र २४ गतेको घटनासम्बन्धी छानविन गर्न गठित जाँजबुझ आयोगले पूर्वप्रधानमन्त्री ओलीमाथि लगाइएको विदेश भ्रमणमा रोक लगाउने र स्वीकृतबेगर काठमाडौँ उपत्यका छाडन नपाउने व्यवस्था हटाएको हो ।
बिज्ञापन
आज बसेको आयोगको बैठकले ओलीमाथिको स्थान हद फकुवा गर्ने निर्णय गरेको प्रवक्ता विज्ञानराज शर्माले जानकारी दिए । आयोगले गत असोज १२ गते ओलीसहित तत्कालीन गृहमन्त्री रमेश लेखक र तत्कालीन सुरक्षा निकायका प्रमुखहरुमाथि उपत्यका छाड्न नपाउने गरी स्थान हद लगाएको थियो । यसबीचमा सबैले आयोगसमक्ष बयान दिएर स्थान हदबाट मुक्त भइसकेका छन् ।
बिज्ञापन
एमाले अध्यक्ष ओलीले भने हिजो मात्रै लिखित बयान दिएका हुन् । ६० भन्दा बढी प्रश्न बोकेर गुण्डु पुगेको आयोगको टोलीलाई ओलीले लिखित जवाफ दिएका हुन् ।यसरी पाँच दर्जन प्रश्नको जबाफ दिएसँगै एमाले अध्यक्ष ओलीमाथि लगाइएको स्थान हद फुकुवा गरेको छ,जाँचबुझ आयोगले ।
आयोगको आज बसेको बैठकले ओलीमाथि लगाइएको स्थान हद फुकुवा गरेको हो । आयोगका सदस्य एवं प्रवक्ता विज्ञानराज शर्माले उक्त घटनाका सम्बन्धमा प्रधानमन्त्रीको हैसियतले उहाँले गरेका काम कारबाही सम्बन्धमा सोधपुछ गर्ने काम सम्पन्न भएकाले स्थान हद फुकुवा गरिएको जनाएको छ ।
बिज्ञापन
