मालपोत कार्यालयभित्र हुने घुस लेनदेन,संस्थागत भ्रष्टाचार र अनियमितता सम्बन्धि समाचार कर्मचारी प्रेसमा प्रकाशन भएसँगै भूमि व्यवस्था,सहकारी तथा गरिबी निवारण मन्त्रालय सम्हालीरहेका मन्त्री प्रा डा कुमार इङ्नामले तीन मालपोत प्रमुखहरुको सरुवा गरिदिएका छन् ।

बिज्ञापन

यस अघि नै चाबहिल मालपोत प्रमुख दिपेन्द्र खत्रीको बदमासीको बिषयमा कर्मचारी प्रेसले समाचार लेखे लगतै उनलाई स्पष्टीकरणमात्र सोधिएन कि जिम्मेवारीबाट समेत हटाइएको छ । त्यहाँ अहिले भोजराज श्रेष्ठलाई कार्यालय प्रमुखको रुपमा खटाइएको छ । उस्तै प्रकृतिको अनियमिततामा जोडिएको खबर कर्मचारी प्रेसमा प्रकाशन भएसँगै ललितपुर मालपोत कार्यालयका प्रमुख अशोक कुमार भट्टराईलाई संघीय मामिला तथा सामान्य प्रशासनको अतिरिक्त समूहमा राखिएको छ भने भक्तपुर मालपोतका प्रमुख रहेका माधव घिमिरे पनि संघीय मामिला तथा सामान्य प्रशासन मन्त्रालयको बरण्डामा तानिएका छन् ।

बिज्ञापन

तत्कालीन मन्त्री बलराम अधिकारी अख्तियारको राडारमा तानिएको समयमा हतार हतार १० मालपोत प्रमुखहरु सरुवा गरेका थिए । सो समयमा चर्चित विचौलियाका डिजाइनमा लगनखेल मालपोत प्रमुख जीवन राज सेढाईलाई फिर्ता गराएर पर्साको प्रमुख रहेका अशोक कुमार भट्टराई मालपोत कार्यालय लगनखेल ल्याइएको थियो । यस्तै केही महिना अगाडिमात्र शाखा अधिकृतबाट उपसचिवमा उक्लिएका माधव घिमिरे मालपोत कार्यालय भक्तपुर पठाइएको थियो । यसरी पठाइएका कार्यालय प्रमुखहरु पाँच महिनामै फिर्ता भएका छन् ।

संघीय मामिला तथा सामान्य प्रशासन मन्त्रालयले १० उपसचिवको सरुवा गर्दा दुई मालपोत प्रमुखहरु संघीय मामिलाको जगेडामा तानिएका छन् ।

बिज्ञापन

ती कार्यालय प्रमुख बनाइने गरी राजन कुमार बिसी संघीय मामिला तथा सामान्य प्रशासन मन्त्रालयबाट भूमिमा पुगेका छन् । लामो समय राजश्व अनुसन्धान विभागमा कार्यरत रहेका बिसी केही अघिमात्र सामान्यको बरण्डामा तानिएका थिए । यस्तै सामान्यको अतिरिक्त समूहबाट अर्जुन राई र राजेन्द्र गौतम पनि भूमिमै इन्ट्री भएका छन् ।