संघीय मामिला तथा सामान्य प्रशासन मन्त्रालयले प्रशासनिक संयन्त्रमा फेरबदल गर्दै ३० जना उपसचिवको जिम्मेवारी परिवर्तन गरेको छ।
बिज्ञापन
शुक्रबार गरिएको निर्णयअनुसार राजपत्राङ्कित द्वितीय श्रेणीका उपसचिव वा सो सरहका कर्मचारीहरूलाई विभिन्न कार्यालय तथा स्थानीय तहमा सरुवा गरिएको हो। सरुवा सूचीअनुसार हाल स्थानीय तहमा प्रमुख प्रशासकीय अधिकृतको जिम्मेवारी सम्हालिरहेका नौ जनाको कार्यक्षेत्र परिवर्तन गरिएको छ भने नयाँ नौ जना उपसचिवलाई प्रमुख प्रशासकीय अधिकृतको जिम्मेवारीसहित स्थानीय तहमा खटाइएको मन्त्रालयले जनाएको छ।
बिज्ञापन
मन्त्रालयका अनुसार यो सरुवा प्रशासनिक सन्तुलन कायम गर्ने, सेवा प्रवाहलाई प्रभावकारी बनाउने तथा स्थानीय तहको कार्यसम्पादन सुधार गर्ने उद्देश्यले गरिएको हो। बाँकी उपसचिवहरूलाई मन्त्रालयअन्तर्गतका विभिन्न निकाय तथा कार्यालयमा जिम्मेवारी तोकिएको छ।
प्रशासनिक नेतृत्वमा गरिएको यस फेरबदलले स्थानीय तहमा निर्णय प्रक्रियालाई थप चुस्त बनाउने अपेक्षा गरिएको छ।
