नेकपा एमालेका ११औँ महाधिवेशनमा केपी शर्मा ओली र ईश्वर पोखरेल पक्ष प्यानलै बनाएर महाधिवेशनमा होमिएको छ ।

बिज्ञापन

संस्थापन पक्षबाट ओली अध्यक्षमा तेहेरिने प्रयास गरिरहेका छन् भने उपाध्यक्षमा विष्णु पौडेल, रामबहादुर थापा, गुरु बराल, पृथ्वीसुब्बा गुरुङ र प्रदीप ज्ञवालीको नाम टुंगो लागेको हो । त्यस्तै, महासचिव शंकर पोखरेलको नाम टुंगो लागेको छ । त्यस्तै, उप–महासचिवमा रघुवीर महासेठ, भानुभक्त ढकाल र विष्णु रिमालको नाम टुंगिएको हो । यस अघि लेखराज भट्टलाई सचिवमा दोहोर्याउन खोजिएको थियो तर उनले उक्त पदमा लड्न अस्वीकार गरेका कारण भानुभक्तलाई सचिवमा झारेर भट्टले उपमहासचिवमा बढुवा गरिएको छ ।

बिज्ञापन

ओली खेमाबाट सचिवमा लेखराज भट्ट, पद्मा अर्याल, छविलाल विश्वकर्मा, खगराज अधिकारी यामलाल कँडेल, शेरधन राई, हिक्मतकुमार कार्की, महेश बस्नेत र राजन भट्टराईको नाम टुंगो लागेको छ ।

संस्थापन पक्षविरुद्ध वरिष्ठ उपाध्यक्ष ईश्वर पोखरेलले अध्यक्षमा दाबी गर्दै प्यानल नै खडा गरेका छन् । पोखरेल टिमबाट उपाध्यक्षमा गोकर्ण बिष्ट, परशु मेघी गुरुङ, विन्दा पाण्डे, अरुण नेपालको नाम टुङ्गिएको छ भने एक पद बाँकी छ । त्यस्तै, महासचिवमा सुरेन्द्र पाण्डेको नाम टुङ्ग्याइएको छ । उपमहासचिवमा योगेश भट्टराईको नाम तय भएको छ भने दुई उपमहासचिवको टुंगो लाग्न बाँकी छ ।