भ्रष्टाचार मुद्धा चलेर निलम्बित इन्जिनियर सन्तोष कुमार यादव भ्रष्टाचारी ठहर भएका छन् । अख्तियारले विशेषमा मुद्धा लगेको ६ महिनापछि विशेष अदालतले उनलाई भ्रष्टाचारी ठहर गरेको हो ।
बिज्ञापन
गत जेठ १ मा ले खोटाङ जिल्लामा निर्माणाधीन सडकको रनिङ बिल भुक्तानी गर्न सेवाग्राहीसँग घुस माग गरिरहेको भन्ने सूचनाका आधारमा टंगालबाट खटिएको टोलीले भक्तपुर जिल्लाको मध्यपुर ठिमी नगरपालिका–१ बाट घुस रकमसहित नियन्त्रणमा लिएको थियो । यादवले रनिङ बिल भुक्तानीको लागि ६ लाख ७० हजार घुस रकम लिँदा लिँदै अख्तियारको टोलीले रंगेहात पक्राउ गरेको थियो । उनले खोटाङमा निर्माणाधीन सडकको पाँचौँ र छैटौँ रनिङ बिल स्वीकृत गरी भुक्तानी प्रक्रिया अघि बढाइदिएबापत ६ लाख ७० हजार भ्रष्टाचार गरेको अख्तियारको दाबी थियो ।
बिज्ञापन
विशेष अदालतका सदस्यहरू नारायणप्रसाद पौडेल, हेमन्त रावल र विदुर कोइरालाको इजलासले साथमा भेटिएको पाँच लाख ७० हजार विगो कायम गरी जरिवाना गर्ने आदेश भएको छ । उनलाई दुई वर्ष जेल सजाय तोक्दै अपराधपीडित संरक्षण कोषमा २२ हजार ८०० जम्मा गर्न आदेश भएको छ ।
बिज्ञापन
