बिज्ञापन

बिज्ञापन

११औँ महाधिवेशनको बन्द सत्र सुरू हुनुअघि बसेको केन्द्रीय कमिटी बैठकले १९ पदाधिकारीसहित ३०१ सदस्यीय कमिटी कायम रहने गरी विधान संशोधनको निर्णय गरेको हो ।
ओलीको यो प्रस्तावको विपक्षमा वरिष्ठ उपाध्यक्ष ईश्वर पोखरेल, उपाध्यक्षहरू अष्टलक्ष्मी शाक्य, युवराज ज्ञवाली, सुरेन्द्र पाण्डे, सचिवहरू गोकर्ण विष्ट र योगेश भट्टराई उभिएका थिए ।तर, बैठकमा ओलीले विधान संशोधनको प्रस्ताव निर्णयार्थ पेश गर्दा बहुमत सदस्यले ताली बजाएर समर्थन गरेपछि पारित भएको घोषणा गरिएको छ ।

ओलीले पार्टी कमिटिलाई पूरानै अवस्थामा फर्काएसँगै उनलाई नेता व्यवस्थापन गर्न सहज हुनेछ । रामबहादुर थापा, गुरु बराललाई पनि उपाध्यक्ष,महासचिवमा शंकर पोखरेल,सचिवमा राजेन्द्र गौतम, भानुभक्त ढकाल, महेश बस्नेत,पद्मा अर्याल, शेरधन राइ, हिक्मत कार्की लगायतका नेतालाई व्यवस्थापन गर्न सहज हुने भएको छ ।