संघीय मामिला तथा सामान्य प्रशासन मन्त्रालयले मंगलवार थप १२ जना उपसचिवको सरुवा गरेको छ। मन्त्रालयले गरेको सरुवा सूची अनुसार संघीय मामिला तथा सामान्य प्रशासनको स्थानीय प्रशासन शाखा हेर्दै आएका भिमकान्त पौडेल रक्षा मन्त्रालयमा पुगेका छन भने बुटवल राजश्व चलाएर राजश्व अनुसन्धान फर्किएका विवेक घिमिरे सामान्यको अतिरिक्त समूहमा आइपुगेका छन् । यस्तै,दोधारा चाँदनी नगरपालिकाबाट खेमराज खत्री भूमि मन्त्रालय,भेरी नगरपालिका जाजरकोटबाट रोमबहादुर महतलाई जिसस जुम्लामा पठाइएको छ भने कपिलवस्तु नगरपालिकाबाट पुनाराम पौडेल जिसस पाल्पा पुगेका छन् । सरुवा भएकामध्ये ६ जनालाई मन्त्रालय,तीन जनालाई प्रमुख प्रशासकीय अधिकृत र बाँकी तीन जनालाई जिल्ला समन्वय समितिमा खटाइएको छ ।

बिज्ञापन