काठमाडौं । भ्रष्टाचार नियन्त्रण र अनुगमनको जिम्मा पाएको राष्ट्रिय सतर्कता केन्द्र आफैं जनशक्ति अभाव र साँघुरो कार्यालयको समस्यामा फसेको छ । सिंहदरबारस्थित शिक्षा मन्त्रालयको भुइँतलामा रहेको केन्द्रमा १४७ दरबन्दीमध्ये करिब ३० प्रतिशत पद रिक्त छन् ।

बिज्ञापन

प्रवक्ता सहसचिव नारायण भट्टका अनुसार कामको प्रकृति जोखिमपूर्ण भएकाले कर्मचारी टिकाउ दर न्यून छ । केन्द्रको २३औँ प्रतिवेदनले समेत प्रहरी र निजामती दुबैतर्फ ३१ प्रतिशत कर्मचारी अभाव रहेको जनाएको छ ।