काठमाडौँ — भूमि व्यवस्था, सहकारी तथा गरीबी निवारण मन्त्रालयले देशभरका २३ जना अधिकृतहरूको सरुवा गरेको छ। मन्त्रालयले बुधबार सार्वजनिक गरेको सरुवा सूचनाअनुसार २१ जना प्रमुख नापी अधिकृत र दुई जना प्रमुख मालपोत अधिकृत (उपसचिव) को जिम्मेवारी हेरफेर गरिएको हो।
बिज्ञापन
बिज्ञापन
मन्त्रालयले सार्वजनिक गरेको विवरणअनुसार प्रमुख नापी अधिकृत जनकराज भट्टलाई महेन्द्रनगर, किशनसिंह बिष्टलाई नवलपरासी, सञ्जय छतकोलीलाई चाबहिल, सुदर्शनसिंह धामीलाई बेलबारी, अनिल कुँवरलाई लगनखेल, शिवप्रसाद लम्सललाई झापा, पूर्णप्रसाद पाण्डेलाई भक्तपुर र सुदिप श्रेष्ठलाई कलंकीमा सरुवा गरिएको छ।
सरुवासँगै मन्त्रालयले सम्बन्धित कार्यालयहरूलाई तत्काल कार्यभार हस्तान्तरण गरी नियमित सेवा सञ्चालन गर्न निर्देशन दिएको छ।
बिज्ञापन
मन्त्रालय स्रोतका अनुसार थप केही नापी र मालपोत कार्यालयमा पनि आवश्यकतानुसार चाँडै सरुवा–बढुवा प्रक्रिया अघि बढाइने तयारी भइरहेको छ।
