बिज्ञापन

बिज्ञापन

लाइसेन्स परीक्षामा अनुत्र्तिण भएका परीक्षार्थीहरुलाई समेत १५ देखि २५ हजार लिएर लाइसेन्स दिने गरेको उजुरीको आधारमा अख्तियारको टोलीले उनीहरुलाई पक्राउ गरेको हो ।

आयोगको टोलीले गुरुङको कार्यकक्षबाट १ लाख ८५ हजार रुपैयाँ समेत बरामद गरेको छ । पाठकलाई भने यातायात व्यवस्था कार्यालय परिसरबाट नियन्त्रणमा लिइएको प्रवक्ता पौडेलले जानकारी दिए ।

अख्तियारको टोलीले कार्यालय प्रमुख बिष्णु भट्टराई लगायत अन्य २२ जना कर्मचारी, ड्राइभिङ सेन्टरका सञ्चालकहरूको समेत विद्युतीय उपकरणहरू ३१ थान मोबाइल, २ थान ल्याप्टप र महत्त्वपूर्ण कागजातहरू समेत कब्जामा लिएको छ ।

महालक्ष्मी ड्राइभिङ सेन्टर, गुरुङ ड्राइभिङ सेन्टर र कुमार ड्राइभिङ सेन्टरलगायतको मिलेमतोमा भरतपुरबाट सञ्चालन भएको सवारी चालक अनुमति पत्रको परीक्षामा फेल भएका परीक्षार्थीहरूबाट १५ हजारदेखि २५ हजारसम्म रकम लिएर लाइसेन्स दिएको उजुरीका आधारमा उनीहरुलाई पक्राउ गरिएको र महत्वपूर्ण कागजात नियन्त्रणमा लिएको अख्तियारले जनाएको छ ।

विष्णु भट्टराई यस अघि चावहिल यातायातमा थिए । उनी यातायातै घुमिरहने कर्मचारी हुन । मुकुन्द निरौला वाग्मती प्रदेशको प्रमुख हुँदा सातौं तहको विष्णु भट्टराईलाई चावहिल यातायातको प्रमुख बनाएका थिए । जबकी यातायात कार्यालय प्रमुख बनाएका थिए । विष्णु र मुकुन्द इनरुवाका छिमेकी र क्याम्पस र लोकसेवा अध्ययन गर्दाका साथी समेत हुन । त्यही कारण उनलाई महत्वपूर्ण जिम्मेवारी दिएका थिए । उनी चावहिल यातायातमा हुँदा कार्यालय सहयोगीहरुलाई अगाडि सारेर दैनिक लाखौं रकम उठाउने गरेका छन् । श्याम परियार,गोकुल र कृष्ण श्रेष्ठमार्फत नजराना बुझ्ने गरेको बिषय यस अगाडि नै कर्मचारी प्रेसमा समाचार प्रकाशन गरेको थियो । यी तिनै जना कार्यालय सहयोगीहरु अहिले राधे राधे यातायातमा पुगेका छन् भने विष्णु भने चावहिलबाट आठौं तहमा बढुवा भएर बर्ष दिन अगाडि चितवन पुगेका हुन । त्यहाँ समेत चावहिलको झैं कार्यालय सहयोगी र ट्रायल सेन्टरमा विचौलिया अगाडि सारेर दैनिक लाखौं उठाउने गरेको बिषय अख्तियारमा पुगेपछि अख्तियारले छापा हानेर महत्वपूर्ण कागजात,ल्यापटपहरु नियन्त्रणमा लिएको छ ।