बिज्ञापन

बिज्ञापन

गृह प्रशासनमा रहँदा इलाम,बाँके लगायतका जिल्लामा यथेष्ट सुधारका यत्न गरेका उनी त्यसपछि बाग्मती प्रदेशमा पुगेका थिए । त्यहाँबाट सरुवा भएर अहिले निजामती किताबखानाको नेतृत्वमा छन् । त्यहाँ पुगेको दुई महिना पनि पुगेको छैन । जिम्मेवारी सम्हाल्दै गर्दा पोखरेलले भनेका थिए,भाइरसका कारण थला परेको किताबखानालाई ४५ दिन भित्रै यसलाई पुर्नजीवन दिन्छु । नभन्दै उनको टिमको पहिलो उपलब्धि नै त्यही भएको छ । झन्डै एक बर्ष अघि अर्थात २०८० चैत्र २३ गते सेक्सी नामको माल्वेयरको आक्रमणबाट बिभागको सफ्टवेयर काम नलाग्ने अवस्थामा पुगेको थियो । त्यसैलाई पुर्नजीवन दिने काम भएको छ ।

पोखरेलको नेतृत्वमा प्राबिधिक कर्मचारीहरुको टास्क फोर्स बनाई लाइभ सेवा संचालन गर्नका लागि हार्डवेयर र सफ्टवेयरमा तत्काल गर्नुपर्ने सुधारका क्षेत्र पहिचान गरि आवस्यक सुधारको काममा प्रारम्भ गरेको थियो । भाइरसका कारण थला परेको किताबखाना भाईरसले आक्रमण गरे पछि कार्यलय प्रयोजनका लागि मात्र सिमित पहुंचका साथ संचालन भैरहेको निजामती कर्मचारीहरुको वैयाक्तिक तथा नोकरी बिवरणको पिआइएस सिष्टम हालैमात्र लाइभ भएको छ ।

पोखरेलले सेवा प्रवाहलाई छिटो ,छरितो र झन्झट रहित तुल्याउन बहाल भए संगै केहि रिफर्म एक्टिभिटी शुरु गरि सकेका छन् । सरकारी कार्यालयलाई फेसलेस र पेपरलेस बनाउने योजना अनुरुप नयाँ सेक्सन नै बनाएर कार्य प्रारम्भ भइरहेको किताबखानाले जनाएको छ । यस्तै एउटै बिन्दुबाट सेवा प्रवाहको ब्यवस्था मिलाउन यस अघि नै सेक्सन मर्ज गर्ने काम समेत पोखरेलको नेतृत्वमा भइसकेको छ । यो सँगै राष्ट्रिय कितावखानाको सेवालाई एउटै काउन्टरबाट सबै सेवा पुर्याउने छ ।

महानिर्देशक पोखरेलका अनुसार,अबको केही महिना पछि नै बहालवाला र निबृत्त निजामती कर्मचारी लाई सेवा प्रवाहमा सुधार भएको अनुभुति गर्ने र गराउने तहमा पुर्याउने गरि बिभागले कार्य गरिरहेको जनाउँछन् ।

बिभागको मुख्य लाभग्राही नै बहालवाला कर्मचारी , सेवा निबृत कर्मचारी र तिनका आशृत परिवार रहेकोले उनीहरुले विगतमा खेप्दै आएको सास्ति र हैरानी अब खेप्नु नपर्ने गरि विभागमा सुधारका काम भइरहेको पोखरेलको भनाई छ । प्रविधिमैत्री निजामती किताबखाना बनाइएसँगै अब कर्मचारीले आफ्नो बिवरण हेर्न,डाउनलोड गरेर प्रिन्ट गर्न सक्ने , घरै बाट सिटरोल दर्ता गर्न सक्ने , सरोकारवाला निकायको पनि बिभागको सुचनामा सोझै पहुच रहने र नागरिक एप्स लगयत अन्य सरकारी प्रणाली संग पनि आवद्वता बिस्तार गरिँदै लगिने बताउँछन् पोखरेल ।

भाइरसका कारण थला परेको किताबखानालाई पुर्नजीवन दिँदै महानिर्देशक पोखरेल