सरकारले तीन जना सचिवको जिम्मेवारीमा हेरफेर गरेको छ । हेरफेरमा परेका सचिवहरुमा अर्थ,अख्तियार र राष्ट्रपति कार्यालयका सचिवहरु रहेका छन् । हिजो बसेको क्याविनेट बैठकले अख्तियारका सचिव घनश्याम उपाध्यायलाई टंगाल बाट सिंहदरबारमा ल्याएको छ ।अख्तियार दुरुपयोग अनुसन्धान आयोगको ३४ औं वार्षिकोत्सव कार्यक्रम सम्पन्न गरिसकेपछि त्यहाँका सचिवलाई बजेट निर्माण गर्ने तयारी भइरहेको समयमा अर्थमा सारिएको छ ।

बिज्ञापन

श्रम मन्त्रालयबाट सात महिना अगाडि अख्तियार दुरुपयोग अनुसन्धान आयोगमा पुगेका सचिव घनश्याम उपाध्यायलाई अर्थ सचिवका रुपमा सरुवा गरेर अर्थ मन्त्रायमा कार्यरत रामप्रसाद घिमिरेलाई भने  शीतलनिवासतिर पुर्याइएको छ । पछिल्लो समय अर्थका सचिवद्धय घिमिरेको कार्यशैली र कार्यसम्पादन प्रति प्रधानमन्त्री र अर्थमन्त्री र रुष्ट रहँदै आएका थिए । सोही कारण अर्थ सचिवलाई सिंहदरबारबाट शीतलनिवासतिर पुर्याइएको हो ।घिमिरेलाई गत साउनमा अर्थसचिवको जिम्मेवारी दिइएको थियो। त्यसअघि उनी अर्थमै राजस्व सचिव थिए।