पाँचथरको हिलिहाङ गाउँपालिका–७, स्थित जय भवानी माध्यमिक विद्यालयमा कार्यरत बालविकास सहजकर्ता बिनाकुमारी राईउपर मुद्दा दायर भएको छ । नक्कली शैक्षिक योग्यताको प्रमाणपत्र पेस गरी बालविकास सहजकर्ताको जागिर खाएको भेटिएसँगै उनीविरुद्ध अख्तियार लागेको हो ।
आयोगले पाँचथरको हिलिहाङ गाउँपालिका–७ स्थित जय भवानी माध्यमिक विद्यालय अन्तर्गत सञ्चालित बालविकास केन्द्रमा कार्यरत सहयोगी कार्यकर्ता बिना कुमारी राईविरुद्ध बुधबार विशेष अदालत, काठमाडौंमा आरोपपत्र दायर गरेको छ ।
बिज्ञापन
राईले बालविकास सहजकर्ताको पदमा नियुक्ति लिन कक्षा ८ र एसएलसीको लब्धांक पत्र (मार्कसिट) तथा चरित्र प्रमाणपत्रसम्बन्धी झुट्टा र नक्कली शैक्षिक योग्यताका प्रमाणपत्र पेस गरी राष्ट्रसेवक पदमा नियुक्ति प्राप्त गरी सरकारी सेवा सुविधा समेत लिएको पुष्टि भएपछि आरोपपत्र पत्र दायर गरिएको अख्तियारले जनाएको छ ।
आयोगका अनुसार,झुट्टा प्रमाणपत्रका आडमा सरकारी नियुक्ति लिई सेवासुविधा प्राप्त गरेको भन्दै अख्तियारले भ्रष्टाचार निवारण ऐन, २०५९ को दफा १६ (१) बमोजिम राईलाई कैद र जरिवाना सजायको मागदाबी गरेको छ ।
बिज्ञापन
