सरकारले गृहमन्त्रीमा फेरि सुधन गुरुङलाई फर्काउने भएको छ । गुरुङलाई गृहमन्त्री नियुक्त गर्न लागिएको हो । शपथ ग्रहणका लागि राष्ट्रपतिको कार्यालयलाई पत्राचार गरिसकिएको प्रधानमन्त्रीको सचिवालय स्रोतले जनाएको छ। आजै अपराह्न ३ बजे शपथ ग्रहणको तयारी गरिएको छ।

बिज्ञापन

यसअघि विवादमा आएपछि गत वैशाख ९ गते राजीनामा दिएका थिए। सरकारले गठन गरेको छानबिन समितिले सफाइ दिएपछि उनी फेरि गृह मन्त्रालय फर्किन लागेका हुन्। पूर्वगृहमन्त्री एवं रास्वपा सांसद सुधन गुरुङको सम्पत्ति विवरणबारे छानबिन गर्न गठित समितिको प्रतिवेदन मन्त्रिपरिषद्ले ग्रहण गरेको थियो । समितिले सरकारलाई ९ वटा सुझाव दिएको थियो । यस्तै सरकारले शिक्षा मन्त्रीमा स्वतन्त्र सांसद महावीर पुन फेरि मन्त्री बन्ने भएका छन्। प्रधानमन्त्री बालेन्द्र शाह (बालेन)ले पुनलाई मन्त्री नियुक्त गर्न लागेका हुन्। उनलाई आजै विज्ञान प्रविधि तथा नव प्रवर्तनमन्त्री नियुक्त गर्न लागिएको हो ।