सरकारले कर्मचारीहरुको अध्ययन बिदा र विदेश भ्रमणमा एकरुपता कायम गर्ने भएको छ । भूमि व्यवस्था,सहकारी तथा संघीय मामिला,सामान्य प्रशासन मन्त्रालयले कर्मचारीको अध्ययन बिदा र विदेश भ्रमणमा एकरुपता कायम गर्न लागेको हो । सबै मन्त्रालयको कर्मचारी प्रशासन महाशाखा हेर्ने प्रमुखहरुलाई छलफलमा बोलाएर त्यसमा एकरुपता कायम गर्ने र बढ्दो बेथितीमा कडाइ गर्ने तयारी गरेको हो ।
बिज्ञापन
मन्त्रालयका अनुसार अहिले अपरान्ह चल्ने छलफलमा सबै मन्त्रालय,आयोग,सचिवालय,केन्द्रीय स्तरका निकायका महाशाखा प्रमुख र शाखा प्रमुखहरुलाई बोलाएर यसमा कडाइ गर्ने तयारी गरेको छ ।
सामान्य प्रशासनका अनुसार,वैदेशिक मनोनयन,अध्ययन बिदा,स्वीकृतिमा एकरुपता अपनाउने,वैदेशिक अध्ययनमा गएका र असाधारण बिदामा रहेका कर्मचारीहरुको अभिलेख व्यवस्थापन लगायतका बिषय छलफलको मुख्य एजेण्डा रहेको सामान्य प्रशासन मानव संशाधन योजना शाखाले जनाएको छ ।
