मुलुकभरका २५ सय शाखा अधिकृत राजधानीमा ओइरिएका छन् । उनीहरु केही दिनदेखि काठमाडौं आउने क्रम जारी छ । उपसचिव पदका लागि लोक सेवा आयोगले लिन लागेको आन्तरिक प्रतियोगितात्मक परीक्षामा सहभागी हुन कम्तीमा २५ सय शाखा अधिकृत एकै पटक राजधानी आउनुपर्ने बाध्यता उत्पन्न भएको छ । लोकसेवा आयोगले प्रदेश कार्यालयबाट शाखा अधिकृतसम्मको परीक्षा मात्रै सञ्चालन गर्ने भएकाले उपसचिवको हकमा राजधानी आउनैपर्ने बाध्यता छ । प्रदेश कार्यालयहरु सहसचिव तहका कर्मचारीको जिम्मामा रहन्छन् । तर उपसचिवको परीक्षा सञ्चालन प्रदेश लोकसेवा आयोगबाट नहुँदा उनीहरु संघीय राजधानी आउन विवश छन् ।
बिज्ञापन
वैशाख १९ गतेदेखि जेठ ६ गतेसम्म लाई तोकिएको संशोधित परीक्षा तालिकामा सहभागी हुने क्रममा उनीहरु कम्तीमा तीन हप्तासम्म कार्यालयमा अनुपस्थित हुने अवस्था देखिएको छ । लोक सेवा आयोगले विगतमा माघमा लिने गरेको यो परीक्षा यस पटक फागुन २१ गतेको आमनिर्वाचनका कारण वैशाख–जेठलाई सारिएको थियो ।
बिज्ञापन
यता, बालेन सरकारले जारी गरेको १०० बुँदे शासकीय स्वरुपमा सरकारी कार्यालयका सेवालाई चुस्त बनाइने उल्लेख छ । तर, परीक्षाका कारण चौथो त्रैमासिकको हतारको समयमा अधिकांश कार्यालयमा भुक्तानी, अनुगमनको चाप बढी हुने गर्छ । जिल्लाका कार्यालयमा शाखा अधिकृतहरु नै नभएपछि कतिपय नीतिगत तहको टिप्पणी अघि बढाउन आधारभूत तहमै कर्मचारीको अभाव भएको अवस्था छ । यसबाट विशेषगरी जिल्ला प्रशासन,मालपोत,नापी,श्रम कार्यालयहरु प्रभावित भएको बताइन्छ ।
जिल्लाका कार्यालयमा शाखा अधिकृतहरु नै नभएपछि कतिपय नीतिगत तहको टिप्पणी अघि बढाउन आधारभूत तहमै कर्मचारीको अभाव भएको अवस्था छ । यसबाट विशेषगरी जिल्ला प्रशासन,मालपोत,नापी,श्रम कार्यालयहरु प्रभावित भएको बताइन्छ ।
बिज्ञापन
