संघीय मामिला तथा सामान्य प्रशासन मन्त्रालयले स्थानीय तहमा खटाएका एक पछि अर्काे अधिकृतहरुले राजीनामा दिने क्रम जारी छ । सरकारले लामो समय संघीय मन्त्रालय,विभाग,कार्यालयमा बसेका र कहिल्यै स्थानीय तहमा बसेर काम नगरेका कर्मचारीहरुलाई स्थानीय तहमा प्रमुख प्रशासकीय अधिकृतको रुपमा खटाएकोमा हालैमात्र ४ जना शाखा अधिकृतले राजीनामा दिएको संघीय मामिला तथा सामान्य प्रशासन मन्त्रालयले जनाएको छ ।
बिज्ञापन
मन्त्रालयका अनुसार आजैमात्र शाखा अधिकृत गणेश घिमिरे र चुणामणि केसीले राजीनामा दिएका हुन । संघीय मामिला तथा सामान्य प्रशासन मन्त्रालयका अनुसार,घिमिरेलाई अछामको मल्लेख गाउँपालिका पठाइएको थियो । जेनजी विद्रोह पछि सार्वजनिक प्रशासन रूपान्तरण अभियानका संयोजकसमेत रहेका घिमिरेले सोमबार राष्ट्रिय प्राकृतिक स्रोत तथा वित्त आयोगका सचिवसमक्ष राजीनामा बुझाएका हुन ।
बिज्ञापन
यस्तै हाल पोखरा अन्तर्राष्ट्रिय विमानस्थल अध्यागमन कार्यालयमा अध्यागमन अधिकृत जिम्मेवारीमा रहेका केसीलाई सामान्य प्रशासन मन्त्रालयले सल्यानको कुमाख गाउँपालिका खटाएको थियो गत १९ मा । तर गृह जिल्लामा सरूवा भएका केसी खटाएको ठाउँमा नगइ राजीनामा दिएका हुन्।
यस अघि अवकाशको मुखमा रहेका दुई अधिकृतहरुले पनि खटाएको ठाउँमा नगइ राजीनामा दिएका छन् । मन्त्रालयले दार्चुलाको व्यास गाउँपालिकामा प्रमुख प्रशासकीय अधिकृतका रूपमा पठाइएका हरि पौडेल र नुवाकोटको तारकेश्वर गाउँपालिकामा खटाइएका शेखरनिधि पौड्यालले राजीनामा दिएको जनाएको छ । दुवै अधिकृतले व्यक्तिगत कारण देखाउँदै पदबाट राजीनामा दिएका छन्। दुवै अधिकृतको राजीनामा मन्त्रालयमा बुझाएको भए पनि सो राजीनामा स्वीकृत नहुँदै थप दुई अधिककृतले राजीनामा दिएका हुन ।
बिज्ञापन
