सरकारले पेट्रोलियम पदार्थमा कर छुट दिने निर्णय गरेको छ । मन्त्रिपरिषद्को आज बसेको बैठकले पेट्रोलियम पर्दाथमा लाग्दै आएको पूर्वाधार विकास करमा ५० प्रतिशत छुट प्रदान गर्ने निर्णय गरेको हो ।
बिज्ञापन
आज बसेको मन्त्रिपरिषद् बैठकले भन्सार महसुल र पूर्वाधार विकास करमा ५० प्रतिशत छुट प्रदान गर्ने निर्णय गरेको हो । हाल एक लिटर पेट्रोलमा मात्रै राज्यले ६६ रुपैयाँ ९८ पैसा कर लाग्दै आएको छ । पेट्रोलमा भन्सार २५ रुपैयाँ २३ पैसा र भ्याट २३ रुपैयाँ २४ पैसा लाग्छ । त्यसबाहेक पूर्वाधार कर १० रुपैयाँ, सडक मर्मत सम्भार कर ४ रुपैयाँ, मूल्य स्थिरीकरण कोष २ रुपैयाँ २ पैसा, प्रदूषण कर १ रुपैयाँ ५० पैसा र हरित कर १ रुपैयाँ राज्यले लिँदै आएको छ । यस्तै डिजेलमा प्रति लिटर ४९ रुपैयाँ २८ पैसा कर लाग्ने तथ्यांकले देखाएको छ । डिजेलमा भन्सार १२ रुपैयाँ ३ पैसा, सडक मर्मत सम्भार २ रुपैयाँ, प्रदूषण कर १ रुपैयाँ ५० पैसा, पूर्वाधार कर १० रुपैयाँ, हरित कर १ रुपैयाँ, भ्याट २० रुपैयाँ ९४ पैसा र मूल्य स्थिरीकरण कोष १ रुपैयाँ ८२ पैसा लाग्छ ।
बिज्ञापन
सरकारले भन्सार महसुल र पूर्वाधार विकास करमा लाग्दै आएको करमा ५० प्रतिशत छुट दिने निर्णय गरेसँगै अब प्रतिलिटर पेट्रोलमा १७ रुपैयाँ ५० पैसा र डिजेलमा ११ रुपैयाँ कर छुट हुनेछ। तर यो सूचना नेपाल राजपत्रमा प्रकाशन भएपछि मात्र कार्यन्वयन हुनेछ ।
बिज्ञापन
