बिज्ञापन

बिज्ञापन

यस्तै कपिलवस्तु तीनबाट अभिषेकप्रताप शाह २३ हजार ५३५ मत सहित बिजयी भएका छन् । उता,जाजरकोट १ बाट खड्कबहादुर बुढाले २० हजार १४२ मत ल्याएर विजयी भएका छन् । यस्तै पाल्पा १ बाट सन्दीप रानाले १८ हजार ३३६ मत ल्याएर विजयी भएका छन् । निर्वाचन आयोगका अनुसार,पाँचथर १ बाट नरेन्द्रकुमार केरुङ १७ हजार २३३,बाजुरा १ बाट जनकराज गिरीले १७,१७३ मत पाएर संसदीय यात्रा तय गरेका छन । यस्तै पूर्णब हादुर खड्काका भाइ भरतबहादुर खड्काले डोटी १ बाट १४ हजार ८९७ मत ल्याएर विजयी हुँदा प्रकासिंह कार्कीले सोलुखुम्बु १ बाट १३ हजार १६६ मत ल्याएर काँग्रेसको नाक जोगाइदिएका छन् ।

यस अघि स्थानीय तहको निर्वाचनमा पारिजत बासना थापाले दैलेख १बाट १२ हजार ३७२ मत पाएर संसदीय यात्रा तय गर्दा तेह्रथुमबाट सन्तोष सुब्बाले ११ हजार ५६१ मत पाएर विजयी भएका छन् । उता भीम रावललाई हराउँदै भरतकुमार स्वारले अछाम १ बाट विजयी भएका छन् भने हिमाली जिल्ला रसुवाबाट मोहन आचार्यले
१० हजार ६५६ मत प्राप्त गरी तेस्रो पटक संसदीय यात्रा तय गरेका छन् । बागमती प्रदेशका ३३ सिटमा पनि कांग्रेस निल हुनबाट जोगिएको छ। कांग्रेसबाट रसुवामा मोहन आचार्य निर्वाचित भएका हुन । उनको प्रमुख प्रतिद्धन्दी रास्वपाका वसन्त भट्ट त्यहाँ ५ हजार ५७१ मत मात्र प्राप्त गरेका थिए । राजधानीका काठमाडौँ, ललितपुर र भक्तपुरलाई छोड्ने हो भने बागमती प्रदेशका १० जिल्लामा १८ निर्वाचन क्षेत्र छन्। चितवनमा ३, मकवानपुर, सिन्धुली, धादिङ, नुवाकोट, सिन्धुपाल्चोक र काभ्रेमा २–२ वटा निर्वाचन क्षेत्र रहेका छन् । यस्तै दोलखा, रामेछाप र रसुवामा १–१ छन् । यी सहित गरी यो प्रदेशभित्र १३ जिल्लाका ३३ वटा निर्वाचन क्षेत्र रहेका छन् । जहाँ ३१ वटा निर्वाचन क्षेत्रमा रास्वपाले क्लिन स्विप गर्दा रसुवा जिल्ला र सिन्धुपाल्चोकको एउटा निर्वाचन क्षेत्रमा मात्र काँग्रेस र माओवादीका उमेद्धार विजयी भएका छन् ।

उता, गण्डकी प्रदेशका १८ सिटमा रास्वपाले १३ सिट जित्दा मनाङ र मुस्ताङ जितेर कांग्रेस निल हुनबाट रोगिएको छ। जहाँ टेकबहादुर गुरुङ ७१ वर्षको उमेरमा पनि मनाङ १बाट फेरि संसदीय राजनीति गर्ने भएका छन् ।

प्राप्त मत परिणाम हेर्दा काँग्रेसले कोशी प्रदेशका २८ निर्वाचन क्षेत्र मध्ये पाँचथर, सोलुखुम्बु र तेह्रथुम गरी ३ सिट जितेको छ। कांग्रेसबाट मुगुमा खड्कबहादुर शाही, जाजरकोटमा खड्गबहादुर बुढा, हुम्लामा जयपती रोकाया, दैलेख१ मा बासना थापा र सुर्खेत १ मा विष्णुबहादुर खड्का निर्वाचित भएका छन्। यस्तै,कांग्रेसबाट अछाम–१ मा भरतकुमार स्वार, डोटीबाट भरत खड्का र बाजुराबाट जनक गिरी निर्वाचित भएका हुन ।