बिज्ञापन

बिज्ञापन

मुस्ताङको वारागुङ मुक्तिक्षेत्र–५ अन्तर्गत पर्ने साङ्ता मतदान केन्द्रको अवसथ हो यो । समुन्द्री सतहबाट करिब ४,५०० मिटर उचाइमा रहेको साङ्ता गाउँ मुस्ताङ सदरमुकाम जोमसोमबाट करिब ४० किलोमिटर उत्तर–पश्चिममा पर्दछ। १३ घरधुरी र ३९ मतदाता रहेको यस गाउँका अधिकांश बासिन्दा जाडो छल्न जोमसोम आसपास, पोखरा र काठमाडौं झरेका छन्। हाल गाउँमा केही गोठाला बाहेक घरहरू बन्द अवस्थामा रहेको जनाइएको छ ।

हिमालपारीको जिल्ला मुस्ताङको सबैभन्दा विकट मतदान केन्द्र मानिएको साङ्तामा मतदान गर्नलाई अहिलेसम्म गाउँमा एकजना मात्रै छन् । सो मतदान केन्द्रमा मतदान अधिकृत, सेना, सशस्त्र प्रहरी, नेपाली प्रहरी, म्यादी प्रहरी, कर्मचारीसहित १३ जनाको टोली खटाइएको छ । मतदान केन्द्र तोकिएको छ,साङ्ताको हिमाली आधारभूत विद्यालय ।

आयोगका अनुसार, ११ हजार ३२७ मतदाता कायम रहेको मुस्ताङमा ५०० भन्दा बढी मतदाता रहेका मतदान केन्द्र आठवटा, ३०० भन्दा बढी मतदाता रहेका मतदान केन्द्र २१, त्यसभन्दा कम रहेका मतदान केन्द्र १८ छन् ।