राष्ट्र, राष्ट्रियता, धर्म, संस्कृति नागरिक बचाउ महाअभियानका संयोजक दुर्गा प्रसाईं फे्रि पक्राउ परेका छन् । भक्तपुरस्थित निवासबाट उनलाई एका विहानै प्रहरीले पक्राउ गरेको हो ।
बिज्ञापन
प्रसाईँलाई जिल्ला प्रहरी परिसर भक्तपुरमा लगिएको छ । उनलाई अनुसन्धानको लागि नियन्त्रणमा लिइएको जिल्ला प्रहरी परिसरले जनाएको छ । प्रसाईलाई आज बिहान ६ बजे नै भक्तपुरको प्रहरी टोली निवास वरिपरि तैनाथ थियो । उनलाई पौने आठ बजेतिर पक्राउ पुर्जी थमाएर प्रहरीले लगेको हो । पक्राउ पुर्जीमा ‘सार्वजनिक शान्ति विरुद्धको मुद्दाको अनुसन्धानका लागि’ भन्ने व्यहोरा उल्लेख छ ।
बिज्ञापन
सार्वजनिक शान्तिविरुद्धको कसुरमा प्रसाईं फागुन ४ गते राति भक्तपुरस्थित निजी निवासबाटै पक्राउ परेका थिए । उनी पछिल्लो एक महिनाभित्र दुई पटक समातिएर रिहा भएका हुन् । यस अघि १३ फागुनमा सर्वाेच्चका न्यायधीशद्वय डा मनोजकुमार शर्मा र मेघराज पोखरेलको संयुक्त इजलासले दिएको थुनामुक्तको आदेशपछि रिहा भएका थिए ।
