बिज्ञापन

बिज्ञापन

जबरजस्ती करणीको गम्भीर आरोप लागेर लामो समयदेखि फरार रहेका मेयरलाई जिल्ला प्रहरी कार्यालय सिन्धुलीमा उपस्थित भएपछि नियन्त्रणमा लिइएको प्रहरीले जनाएको छ। गत वैशाख महिनामा ती किशोरीले अधिकारी विरुद्ध जबरजस्ती करणीको जाहेरी दर्ता गराएकी थिइन् । जाहेरीअनुसार ती बालिका १७ वर्षको उमेरमै जबरजस्ती करणीको सिकार भएकी थिइन्। उनी गर्भवती भई २०८१ फागुनमा शिशु जन्माएकी छिन्। शिशु जन्मिएपछि मात्र घटना सार्वजनिक भएको परिवारजनले बताएका छन् । नाबालिकामाथि जबरजस्ती करणीको आरोप प्रमाणित भएमा कडा सजायको व्यवस्था छ। मुलुकी अपराध संहिता, २०७४ ले १८ वर्षमुनिका बालिकामाथि करणीलाई गम्भीर अपराध मानेको छ ।

दिनेश अधिकारी २०७९ सालको स्थानीय तह निर्वाचनमा नेकपा (माओवादी केन्द्र)बाट नगरप्रमुखमा निर्वाचित भएका थिए । उनी मेयर हुँदा आर्थिक अनियमितता तथा स्रोत साधनको दुरुपयोगमा समेत मुछिँदै आएका थिए ।