बिज्ञापन

बिज्ञापन

जिल्ला प्रहरी कार्यालयका सूचना अधिकारी मोहनजंग बुढथापाका अनुसार पक्राउ परेकामाथि लिखत किर्ते तथा आपराधिक लाभसम्बन्धी कसुरमा अनुसन्धान भइरहेको छ।

प्रहरीका अनुसार नक्कली परीक्षार्थी बनेर परीक्षा दिइरहेका जाजरकोट, दैलेख र सुर्खेतका विभिन्न स्थानका चार जना युवालाई पहिलो चरणमा नियन्त्रणमा लिइएको हो। उनीहरूसँगै वास्तविक परीक्षार्थी तथा परीक्षामा संलग्न गराउने व्यक्तिहरू पनि पक्राउ परेका छन्।

त्यस्तै, नक्कली परीक्षार्थीको व्यवस्था मिलाउने र बिचौलियाको भूमिकामा काम गर्ने एक जनासहित कुल १२ जनालाई नियन्त्रणमा लिइएको प्रहरीले स्पष्ट पारेको छ।

लोकसेवा आयोगको परीक्षाजस्तो संवेदनशील प्रक्रियामा यस प्रकारको अनियमितता हुनु गम्भीर विषय भएको भन्दै प्रहरीले अनुसन्धानलाई थप तीव्र बनाएको जनाएको छ। घटनामा संलग्न अन्य व्यक्तिहरूको खोजी पनि भइरहेको प्रहरीको भनाइ छ।