भूमि व्यवस्था, सहकारी तथा गरिबी निवारण मन्त्री कुमार इङनामले मालपोतका कर्मचारीहरु दलालको प्रभावमा परेर काम गर्ने गरेको आरोप लगाएका छन् ।
बिज्ञापन
हालैमात्र मन्त्रीमा नियुक्त भएका इङनामले नेपाल बचत तथा ऋण केन्द्रीय सहकारी सङ्घ (नेफ्स्कुन) ले आजदेखि आयोजना गरेको साकोस समिट उद्घाटन गर्दै इङनामले यस्तो आरोप लगाएका हुन् ।
उनले देशभरका मालपोत कार्यालय जनताको सेवा गर्नेभन्दा पनि दलालका एजेन्टजस्तो भएर काम गरिरहेको र जनतालाई छिटो, सरल र पारदर्शी सेवा दिनुपर्नेमा मालपोतका कर्मचारी दलालको प्रभावमा परेर काम गर्ने गरेको आरोप लगाए ।
बिज्ञापन
मन्त्री इङनामले सहकारी क्षेत्रमा धेरै समस्या देखिएको स्वीकार गर्दै ती समस्या समाधानका लागि सरकार गम्भीर रूपमा लाग्ने प्रतिबद्धता व्यक्त गरे। सहकारीलाई मर्यादित, पारदर्शी र सदस्य–केन्द्रित बनाउन आवश्यक रहेकामा उनले जोड दिए । दुई दिनसम्म सञ्चालन हुने साकोस समिटमा देशभरका ६ सय भन्दा बढी बचत तथा ऋण सहकारी संस्थाका करिब ८ सय प्रतिनिधिको सहभागिता छ।
