नेकपा एमालेको ११ औँ महाधिवेशनको उद्घाटन सत्रमा शीर्ष राजनीतिक दलका नेताहरु उपस्थित नहुने भएका छन् ।
नेकपा एमालेको ११ औं महाधिवेशन अहिले भक्तपुरको सल्लाघरीमा भइरहेको छ । आजदेखि २९ मंसिरसम्म चल्ने महाधिवेशनमा सहभागी २,२६२ प्रतिनिधिले आगामी पाँच वर्षका लागि पार्टीको केन्द्रीय नेतृत्व चयन गर्नेछन् ।
बिज्ञापन
सोही महाधिवेशनको उद्घाटन शर्तमा नेपाली कम्युनिस्ट पार्टीका संयोजक पुष्पकमल दाहाल प्रचण्ड र सहसंयोजक माधव नेपाल,नेपाली काँग्रेसका सभापति शेरबहादुर देउवा,रास्वपा पार्टीका कार्यबहाक सभापति लगायका शीर्षस्थ नेता उपस्थित नहुने भएका हुन ।
बिज्ञापन
सो महाधिवेशनमा काँग्रेसले पूर्णबहादुर खड्कालाई पठाउने भएको छ भने नेकपाबाट देव गुरुङ सहभागी हुँदैछन् । यस्तै महाधिवेशनमा सहभागी हुनाका लागि नेपाल कम्युनिस्ट पार्टी (माओवादी)का महासचिव नेत्रविक्रम चन्द विप्लव सहभागी भइसकेका छन् । सो महाधिवेशनमा राष्ट्रिय स्वतन्त्र पार्टी (रास्वपा)का महामन्त्री कवीन्द्र बुर्लाकोटी, राष्ट्रिय प्रजातन्त्र पार्टी (राप्रपा)बाट अध्यक्ष राजेन्द्र लिङ्देन, राप्रपा नेपालका अध्यक्ष कमल थापा सहभागी हुँदै छन् । जसपा नेपालका अध्यक्ष उपेन्द्र यादव लगायत सहभागी हुँदै छन् ।
एमालेले नेकपा, कांग्रेस, रास्वपासहित १६ दललाई उद्घाटन समारोहमा बोलाएको थियो।
बिज्ञापन
