अन्तरिम सरकारको प्रधानमन्त्री सुशीला कार्कीले चौथौं पटक मन्त्रिपरिषद् विस्तार गर्दै छिन् । कार्कीले थप चार सदस्य थपेर मन्त्रिपरिषद् विरुतार गर्न लागेकी हुन ।
बिज्ञापन
शीतल निवास स्रोतका अनुसार श्रद्धा श्रेष्ठ, माधव चौलागाईं, राजेन्द्रसिंह भण्डारी र कुमार इङ्नामलाई मन्त्री बनाइँदैछ । श्रद्धालाई महिला तथा बालबालिका, चौलागाईं वन, भण्डारीलाई श्रम र इङ्नाम भूमि मन्त्रालयको जिम्मेवारी दिने तयारी छ ।
बिज्ञापन
मन्त्री बन्न लागेकाहरुमध्ये चौलागाईं नेपाली कांग्रेसको अपाङ्ग संघका अध्यक्ष हुन् । भण्डारी नेपाल प्रहरीका अवकाश प्राप्त प्रहरी नायव महानिरीक्षक हुन् भने श्रेष्ठ पर्यटन बोर्डकी पूर्व कर्मचारी हुन् ।
प्रधानमन्त्री सुशीला कार्कीले उनीहरूलाई मन्त्रीमा नियुक्त गर्न राष्ट्रपति रामचन्द्र पौडेलसमक्ष सिफारिस गरेकी छन् । नयाँ बन्न लागेका मन्त्रीको नाम आइपुगेको राष्ट्रपतिको कार्यालय स्रोतले जनाएको छ ।
बिज्ञापन
प्रधानमन्त्री निकट स्रोतका अनुसार,हाल उद्योग र भूमि मन्त्रालय समेत हेरिरहेका अनिलकुमार सिन्हालाई भने मन्त्रालय परिवर्तन गरी पर्यटन मन्त्रालयको जिम्मेवारी दिइने तयारी रहेको छ । मन्त्रिपरिषद् विस्तार भएसँगै प्रधानमन्त्रीको सुशीला कार्कीको काँधमा रक्षा,परराष्ट्र मन्त्रालयको जिम्मेवारी रहनेछ ।
नयाँ मन्त्रीको शपथ आजै दिउँसो ३ बजे हुनेछ ।
