लोकसेवा आयोगले शाखा अधिकृतका सबै तहका परीक्षा पार गरेका ६७ जना उमेद्धारहरुलाई स्थायी नियुक्तिका लागि संघीय मामिला तथा सामान्य प्रशासन मन्त्रालयलाई सिफारिस गरेको छ ।
बिज्ञापन
आयोगले परराष्ट्र सेवातर्फका लागि लिएको लिखित परीक्षा, सूचना प्रविधि सीप परीक्षण, सामूहिक परीक्षण र अन्तर्वार्तामा प्राप्त अंकका आधारमा उम्मेदवारहरूको योग्यता क्रम निर्धारण गरी नामावली प्रकाशन गरेको हो । जस अनुसार खुलातर्फ ३४,महिला १०,आदिवासी जनजाती ८,मधेशी ७,दलित ३,अपांग १ र पिछडिएको क्षेत्रबाट १ गरी ६७ जना उम्मेदवारहरूलाई स्थायी नियुक्तिका लागि परराष्ट्र मन्त्रालयमार्फत संघीय मामिला तथा सामान्य प्रशासन मन्त्रालयमा सिफारिस गरेको आयोगले जनाएको छ ।
यस्तै आयोगले नेपाल प्रशासन सेवा, लेखापरीक्षण सेवा, संघीय संसद सेवा, सामान्य प्रशासन समूह, लेखा समूह र राजस्व समूहका १११ जना लाई स्थायी नियुक्तिका लागि सिफारिस गरेको छ ।
बिज्ञापन
आयोगले लिखित परीक्षा, सूचना प्रविधि सीप परीक्षण, सामूहिक परीक्षण र अन्तर्वार्तामा प्राप्तांकका आधारमा उम्मेदवारहरूको अन्तिम योग्यता क्रम निर्धारण गरेर संघीय मामिला तथा सामान्य प्रशासन मन्त्रालय र संघीय संसद सेवाअन्तर्गत छनोट भएका उम्मेदवारहरूलाई स्थायी नियुक्तिका लागि सम्बन्धित निकायमा सिफारिस गरेको आयोगले जनाएको छ ।
जस अनुसार,महिला ३१,आदिवासी जनजाती २३,मधेसी २१,दलित १०,अपांग ४,पिछडिएको क्षेत्र ३ जना स्थायी नियुक्तिका लागि सिफारिस भएका छन् । आयोगका अनुसार परराष्ट्र सेवाका ६७ र नेपाल प्रशासन सेवा, लेखापरीक्षण सेवा, संघीय संसद सेवा, सामान्य प्रशासन समूह, लेखा समूह र राजस्व समूहका १ सय ११ गरी १७८ जना स्थायी नियुक्तिका लागि सिफारिस भएका हुन ।
१६७०१-१६७०७.०८१.८२_एकीकृत_अधिकृत_सिफारिस
बिज्ञापन
