निजामती सेवाबाट अवकाश प्राप्त कर्मचारीको नेतृत्वमा पहिलो पटक दल खुलेको छ । ‘उज्यालो नेपाल पार्टी’ ले निर्वाचन आयोगमा अद्यावधिक विवरण बुझाएको छ ।
बिज्ञापन
बहादुर भवनमा मंगलबार पेश गरिएको विवरण अनुसार पार्टीको अध्यक्षमा पूर्वसचिव अनुपकुमार उपाध्यायलाई प्रस्ताव गरिएको छ ।
उपाध्यायलाई अध्यक्ष र बाँकी सबैलाई सदस्य राखिएको छ । पार्टीको सदस्यमा डा तारा प्रसाद जोशी, प्रा डा महेन्द्र सुन्दर लावती, डा घनश्याम पाण्डे, डा सागर ढकाल, डा अभिषेक राज सिंह, डा शंकर ढकाल, ई तेजनारायण यादव, कलाकार रिमा विश्वकर्मा, टासी ल्हामोल्म, डा राजु थापा, डा विशाल भण्डारी, श्री गुरुङ, निलिमा बस्नेतका अलवा दिपेन्द्र जमरकट्टेल, सीता देवी पाण्डेय, ज्ञानेन्द्र कुमार तामाङ, डकेन्द्र सिंह थेगिम, ड आशुतोष विजय पन्त, डाबर लावती, हिरा प्रसाद सोती लगायत रहेका छन् ।
बिज्ञापन
उक्त पार्टी दर्ताका लागि गत साउन २७ मा दल दर्ताका लागि आयोगमा निवेदन दिइएको भए पनि आवश्यक कागजात नपुग्दा दर्ता हुन सकेको थिएन । कुलमानले निवेदनलाई संशोधन गरी संयोजकमा उपाध्याय बनाएर बुझाएको छ ।
कुलमानकै योजनामा यस अघि नै ‘उज्यालो नेपाल पार्टी’ निर्वाचनमा दर्ता भइसकेको र सो समयमा मानबहादुर तामाङ अध्यक्ष रहेको उज्यालो नेपाल पार्टी दर्ता भएकोमा आज पूर्व ऊर्जासचिव अनुपकुमार उपाध्याय अध्यक्ष रहेको अद्यावधिक विवरण निर्वाचन आयोगमा बुझाइएको बताइन्छ ।
बिज्ञापन
मन्त्री घिसिङले वैकल्पिक शक्ति निर्माणका लागि पूर्व शिक्षामन्त्री सुमना श्रेष्ठ, युवा अभियन्ता सागर ढकाल, काठमाडौँ महानगरपालिकाका मेयर बालेन साह, जेन जी नेता सुदन गुरुङलगायतसँग लामो छलफल गरेका थिए । यद्यपि, उनीहरु अहिले अलग अलग समूहमा विभाजित भइसकेका छन् ।
घिसिङको पार्टीबाट सुमनाहरु बाहिरिँदा अभिनेत्री रिमा विश्वकर्मा र हुम्लाकी टासी ल्हाजोम भने केन्द्रीय समितिमा अटाएका छन् ।
