बिज्ञापन

बिज्ञापन

कर्मचारीहरूले भनेका छन्, “मुख्यमन्त्री कार्यालयजस्तो संवैधानिक संस्थामै आक्रमण हुनु प्रदेशको प्रशासनिक मर्यादामाथिको ठाडो चुनौती हो। घटनामा संलग्नमाथि तत्काल कानूनी कारबाही होस्, अन्यथा हामी काम ठप्प पार्न बाध्य हुनेछौं।”

घटना मुख्यमन्त्री नियुक्तिसम्बन्धी विवादका क्रममा भएको हो । कांग्रेससहित ६ दलका सांसद र कार्यकर्ताहरू मुख्यमन्त्री कार्यालय पुगेर तोडफोड तथा नाराबाजीमा उत्रिँदा केहीले कर्मचारीमाथि हातपात गरेको भिडियो सार्वजनिक भएको छ ।

भिडियोमा लोसपाका पूर्व प्रदेश सांसद परमेश्वर शाह र नेता जितेन्द्र झा समेत देखिएका छन् ।
कर्मचारीहरूले विज्ञप्तिमार्फत प्रदेश सरकार, गृह मन्त्रालय र सुरक्षासंस्थाको ध्यानाकर्षण गराउँदै दोषीलाई तत्काल पक्राउ गरी कानूनी कारबाही गर्न माग गरेका छन् ।

उनिहरूले कार्यालयको शान्त वातावरण र कर्मचारीको सुरक्षामा प्रश्न उठ्नेगरी भएको यस्तो घटनाले सरकारी प्रशासनमै त्रासको वातावरण सिर्जना गरेको भन्दै आगामी दिनमा यस्ता घटना दोहोरिन नदिन कठोर कदम चाल्न आग्रह गरेका छन् ।