नेपाली कांग्रेसका केन्द्रीय सदस्य मोहन आचार्यले आसन्न निर्वाचनअघि पार्टीको नियमित महाधिवेशन अनिवार्य रूपमा गर्नुपर्ने बताएका छन् ।
बिज्ञापन
केन्द्रीय समितिको जारी बैठकमा बिहीबार आफ्नो धारणा राख्दै आचार्यले भने — “कांग्रेसले १४औं महाधिवेशन गरेर मात्रै नयाँ जोश, नेतृत्व र नीति सहित चुनावमा जानु पर्छ।”
बिज्ञापन
उनले पार्टीको आठ लाख सत्तरी हजार क्रियाशील सदस्यहरूको भावना अनुसारको निर्णय केन्द्रीय समितिबाट आउने विश्वास व्यक्त गरे ।
विशेष महाधिवेशनको माग सम्बन्धी हस्ताक्षरको विषयमा पनि आचार्यले नेतृत्वलाई गम्भीर भएर सोच्नुपर्ने सुझाब दिए । उनका शब्दमा — “कांग्रेस विशिष्ट समयमा विशेष महाधिवेशनमा गएको थियो, तर यसपटक त्यसले सकारात्मक परिणाम दिन्छ भन्ने लाग्दैन।”
बिज्ञापन
आचार्यका अनुसार अहिले आम जनताले कांग्रेसले महाधिवेशन सम्बन्धी के निर्णय गर्छ भन्नेमा आँखा लगाइरहेका छन् । उनले थपे — “२०७४ र २०७९ सालको समानुपातिक मतको परिणामले पनि पार्टीभित्र आत्ममूल्यांकनको माग गरिरहेको छ।”
उनको भनाइले कांग्रेसभित्र चुनावभन्दा अघि नेतृत्व र संगठनात्मक नवीकरणको आवश्यकता तीव्र रूपमा उठिरहेको संकेत दिएको छ ।
