दोस्रो दिनको प्रदर्शनमा उत्रिएका प्रदर्शनकारीले प्रमुख दलका प्रमुख नेतृत्व निवास लक्षित गरेका छन् ।
बिज्ञापन
प्रशासनले बिहानैदेखि कर्फ्यु आदेश जारी गरेपनि प्रदर्शनकारीले अवज्ञा गरेका छन् । नेपाली कांग्रेसका सभापति शेरबहादुर देउवा, माओवादी केन्द्रका अध्यक्ष पुष्पकमल दाहाल ‘प्रचण्ड’ निवास अघि प्रदर्शन भएको छ ।
बिज्ञापन
देउवा निवास बुढानीलकण्ठस्थित देउवा चोकमा र प्रचण्ड निवास खुमलटारमा प्रदर्शन गरेका छन् । प्रर्दशनकारीहरुले प्रचण्डको निवासमा तोडफोड र ढुंगामुढा गरेका छन् ।प्रदर्शनकारीहरुले प्रचण्ड निवासमा समेत आगजानी गरेका छन् ।
हिजो भएको जेनजी पुस्ताको प्रदर्शनमा १९ जनाको ज्यान गएको छ भने चार सय ५० भन्दा बढी घाइते भएका छन् । हिजो भएको प्रहरी दमनको विरोधमा आक्रोशित प्रदर्शनकारीले ललितपुरको खुमलटारस्थित प्रचण्ड निवासमा ढुंगामुढा गरेका हुन् ।
बिज्ञापन
यस्तै सञ्चारमन्त्री पृथ्वीसुब्बा गुरुङ निवास ललितपुरको सुनाकोठीस्थितस्थित निवासमा ढुंगामुढा गर्दै आगो झोसेको छन् । यस्तै हिजोको आन्दोलनमा प्रदर्शनकारीहरुले झापा दमकस्थित ओली निवासमा तोडफोड गरेका थिए ।
