रसुवा जिल्लाका पाँच पालिकामध्ये सबैभन्दा बढी अनियमित खर्च आमाछोदिङ्मो गाउँपालिकामा रहेको पाइएको छ । आर्थिक बर्ष ०८०/ ८१ को लेखापरीक्षण प्रतिवेदन अनुसार कालिका गाउँपालिकामा सबैभन्दा कम सबैभन्दा बढी बेरुजु आमाछोदिङ्मो रहेको विवरण सार्वजनिक भएको हो ।महालेखा परीक्षकको कार्यालयले सार्वजनिक गरेको ६२औँ बार्षिक प्रतिवेदन अनुसार कालिका गाउँपालिकाको बेरुजु १ दशमलव शून्य २ प्रतिशतमात्र रहेको प्रतिवेदनमा उल्लेख छ । उक्त पालिका अहिले रसुवाका सांसद मोहन आचार्यका उत्तराधिकारीका रुपमा हेरिएका हरिकृष्ण देवकोटाले कमाण्ड गरिरहेका छन् ।
बिज्ञापन
विवरण अनुसार,रसुवाका पाँच पालिकामध्ये सबैभन्दा बढी बेरुजु रहेको आमाछोदिङ्मोको बेरुजु १ दशमलव ८२ प्रतिशत रहेको महालेखाले प्रतिवेदनमा लेखेको छ । सो पालिकाका प्रमुखमा बुचुङ तमाङ र उपप्रमुखमा चण्डिका तमाङ रहेका छन् ।
बिज्ञापन
यस्तै, रसुवा जिल्ला एमालेका नेता समेत रहेका कैसाङ नोर्पु तमाङ अध्यक्ष रहेको पालिकाको बेरुजु १ दशमलव ६९ प्रतिशत रहेको महालेखाले जनाएको छ । अघिल्लो पटक रसुवाका पाँच पालिकामध्ये उत्तरगया सबैभन्दा कम बेरुजु रहेर सुशासनको मानक बनाएको उत्तरगयाको बेरुजु यस पटक दोब्बरले बढेको छ । यस पटक उत्तरगया गाउँपालिकाको बेरुजु १ दशमलव ४७ प्रतिशत रहेको छ । जबकी अघिल्लो पटक सो पालिकामा शून्य दशमलव ६० प्रतिशतमात्र अनियमित खर्च रहेको थियो । सो पालिका अहिले नेकपा एमालेका केन्द्रीय सदस्य माधव अर्यालले कमाण्ड गरिरहेका छन् । उपाध्यक्षमा दोश्रो पटक चमेली गुरुङ कुर्सीमा छिन् । पछिल्लो पटक सो पालिकाले आफ्ना अधिकांश कामहरु एउटा एनजिओमार्फत गर्दै आएको छ । कानुन विपरित सरकारी विद्यालयका प्रचार्यले सञ्चालन गरिरहेको एनजिओलाई पालिकाको अधिकांश कामको जिम्मेवारी दिइएको बिषयलाई महालेखाले बेरुजुको रुपमा औल्याएको छ । विवरण अनुसार नौकुण्डको बेरुजु १ दशमलव २९ प्रतिशत रहेको छ ।
अघिल्लो पटक अर्थात ६१ औँ बार्षिक प्रतिवेदन अनुसार कालिका गाउँपालिकाको बेरुजु ४ दशमलव २४ प्रतिशत बेरुजु थियो ।यस पटक १ दशमलव शून्य २ प्रतिशतमात्र बेरुजु कायम भएको छ ।
बिज्ञापन
यस्तै उत्तरगयाको बेरुजु रकम शून्य दशमलव ६० प्रतिशत रहेको थियो भने आमाछोदिङ्माको बेरुजु ३ दशमलव ५३ प्रतिशत,नौकुण्ड गाउँपालिकाको २ दशमलव २३ र गोसाइकुण्ड गाउँपालिकाको बेरुजु १ दशमलव ८५ प्रतिशत रहेको थियो ।
दुई आर्थिक बर्षको प्रतिवेदन केलाउँदा अन्य चार पालिकाको बेरुजु घट्दा उत्तरगयाको बेरुजु भने दोब्बरले बढेको छ ।
