संघीय संसद सचिवालय संसदीय प्रशिक्षण शाखाले सुशासन संबर्धनका लागि सदाचार नीतिको आवश्यकता विषयमा आज कार्यशाला गोष्ठीको आयोजना गर्दैछ । उक्त गोष्ठीमा प्रतिनिधि सभा र राष्ट्रिय सभाका सदस्यहरु, संसदका विभिन्न समितिका सभापतिहरु र नेपाल सरकारका सचिव र सहसचिव सहभागी हुने जनाइएको छ ।

सार्वजनिक लेखा समितिको भवनमा मध्यान्ह १ बजे पछि हुने उक्त कार्यशाला गोष्ठीमा संघीय संसद सचिवालयका सचिव डा रोजनाथ पाण्डेले सुशासन संबर्धनका लागि सदाचार नीतिको आवश्यकता विषयमा कार्यपत्र प्रस्तुत गर्नेछन् । कार्यपत्र माथि पूर्व मन्त्री तथा नेपाल कानून आयोगका अध्यक्ष माधव पौडेल र नेपाल सरकारका पूर्व सचिव डा दामोदर रेग्मीले टिप्पणी गर्ने कार्यक्रम रहेको छ । नेपाल सरकार प्रधानमन्त्री तथा मन्त्रीपरिषद कार्यालयले २०७४ सालमा राष्ट्रिय सदाचार नीतिको मस्यौदा ल्याएको भए पनि सो मस्यौदा ७ वर्ष सम्म अलपत्र परिरहेको सन्दर्भमा सो नीति ल्याउन यो कार्यशाला गोष्ठी सफल हुने विश्वास गरिएको छ ।