संघीय मामिला तथा सामान्य प्रशासन मन्त्रालयले १२ जना शाखा अधिकृतहरुलाई उपसचिव तहमा बढुवा सिफारिस गरेको छ ।
सिफारिस समितिका हिजो बसेको बैठकले विविध सेवाका ४ र शिक्षा सेवाका ८ गरी १२ अधिकृतस्तरका कर्मचारीहरुलाई उपसचिव तहमा बढुवाका निम्ति सिफारिस गरेको हो ।
विविध सेवाबाट बढुवा सिफारिस भएकाहरुमा भुवन कुमार भण्डारी,केशव खतिवडा,गिरीशकुमार झा र हरिप्रसाद पोखरेल रहेका छन् ।
यस्तै शिक्षा सेवाबाट बढुवा सिफारिस भएका अधिकृतहरुमा उत्तमप्रसाद आचार्य,रामबहादुर अधिकारी,रामचन्द्र इटनी,लक्ष्मण गिरी,कृष्णचन्द्र पोखरेल,धनसूदन चौलागाई,महेशकेशर खनाल र पुरुषोत्तम घिमिरे रहेका छन ् ।
समितिले यी कर्मचारीहरुलाई जेष्ठता र कार्यसम्पादन मूल्यांकनका आधारमा बढुवा सिफारिस गरेको हो ।

बिज्ञापन