नेपाल धितोबोर्ड (सेबोन) को अध्यक्षमा सन्तोष नारायण श्रेष्ठ नियुक्त भएका छन् । आज बसेको मन्त्रिपरिषद् बैंठकले श्रेष्ठलाई अध्यक्षमा नियुक्त गर्ने निर्णय गरेको हो ।
बिज्ञापन
सिफारिस समितिले नवराज अधिकारी, मुक्ति श्रेष्ठ र सन्तोष नारायण श्रेष्ठको नाम समावेश थियो।क्याविनेटले पहिलो नम्बरमा सिफारिस भएका सन्तोषलाई धितोपत्र वोर्डको अध्यक्षमा नियुक्ति गरेको हो ।
बिज्ञापन
बोर्डको अध्यक्ष पद २०८० पुस २१ गतेदेखि रिक्त रहेको थियो । अध्यक्ष रमेश हमालको ०८० पुस २० गते कार्यकाल सकिएपछि ११ महिनादेखि उक्त कुर्सी रिक्त रहेकोमा आज बसेको क्याविनेटले ११ महिना पछि श्रेष्ठलाई वोर्ड अध्यक्षमा नियुक्ति गरेको हो ।
बोर्डको अध्यक्ष नियुक्त भएका श्रेष्ठले काठमाडौँ विश्वविद्यालयबाट फाइनान्समा एमबीए गरेका छन्। यस अघि उनी स्वाभिमान लघुवित्त वित्तीय संस्थामा अध्यक्ष र तत्कालीन नेपाल एक्स्प्रेस फाइनान्सका अध्यक्ष चलाइसकेका छन् । यस्का अलवा नेपाल विद्युत् प्राधिकरणका सञ्चालक समिति सदस्य पनि चलाइसकेका छन्,एक कार्यकाल ।
बिज्ञापन
श्रेष्ठ कांग्रेस निकटका हुन । रुपन्देही एमालेका अनुसार सन्तोष पनि अर्थमन्त्री विष्णु पौडेलझैं पूर्व स्याङ्जाली हुन्, त्यतैबाट बुटवल झरेका । उनका बाबु चोपनारायण पेट्रोलियम व्यवसायी । कांग्रेस पार्टीको महासमितिदेखि, जिल्ला कमिटीमा बसेर काम गरिसकेका । सन्तोष लामो समयदेखि इन्धन ढुवानी व्यवसायमा संलग्न छन्, एक्सप्रेस परिवहन सेवा कम्पनीमार्फत । उनी नेपाल आयल निगमको भैरहवास्थित भलवारीबाट चोरी भएको इन्धन बिक्री प्रकरणमा मुछिएर ०७१ वैशाख १६ गते १९ वटा ट्यांकरसहित रंगेहात पक्राउ परे । पछि रुपन्देही जिल्ला अदालतका तत्कालीन न्यायाधीश बालचन्द्र शर्माको इजलासबाट सफाइ पाएका ।
