बिज्ञापन
सरकारले अर्थ सचिवमा मधुकुमार मरासिनीलाई ल्याएको छ । हालका अर्थ सचिव कृष्णहरि पुष्करलाई प्रधानमन्त्री तथा मन्त्रिपरिषद्को कार्यालयमा सरुवा गरेर अर्थ सचिवको जिम्मेवारी मरासिनीलाई दिएको हो । आज बिहान बसेको क्याविनेट बैठकले अर्थ सचिव पुष्करलाई प्रधानमन्त्री तथा मन्त्रिपरिषद्को कार्यालयमा पठाएर हालै भ्रष्टाचार मुद्धामा विशेष अदालतबाट क्लि चिट पाएका मरासिनीलाई अर्थ मन्त्रालयमा ल्याउने निर्णय गरेको हो ।
बिज्ञापन
नेशनल पेमेन्ट गेटवे सम्बन्धी भ्रष्टाचार मुद्धामा विशेष अदालतबाट क्लि चिट पाएसँगै मरासिनीलाई अर्थ सचिवको जिम्मेवारी दिइएको छ भने अर्थ सचिव पुष्करलाई प्रधानमन्त्री तथा मन्त्रिपरिषद्को कार्यालयमा लगिएको छ ।
सचिव मरासिनीलाई अख्तियारले गत १५ असोजमा भ्रष्टाचार मुद्धा चलाएको थियो । नेशनल पेमेन्ट गेटवेमा भएको २३ करोड भ्रष्टाचार मुद्धामा तत्कालीन उद्योग सचिव मरासिनीसहित निमबहादुर ओली, रामबहादुर बुढा, सफल श्रेष्ठ, सञ्जय शर्मा, प्रणिता उपाध्याय, रमेश पोखरेल, रामशरण गायक र सुनील पौडेल लगायतले भ्रष्टाचार गरी नेपाल सरकारलाई २३ करोड रुपैयाँभन्दा बढी हानि–नोक्सानी पु¥याएको भन्दै विशेषमा मुद्दा चलाएसँगै निलम्बनमा परेका उनीसहित ८ लाई विशेष अदालतले क्लिन चिट दिएसँगै मरासिनीलाई सरकारले अर्थ सचिवको जिम्मेवारी दिएको हो । बजेट निर्माणको मुखमा सरकारले कृष्णहरि पुष्करलाई प्रधानमन्त्री तथा मन्त्रिपरिषद्को कार्यालयमा पठाएर त्यहाँ मरासिनीलाई ल्याएको हो ।
